मिपा दंगल भाम्बुर्डा(पुणे) वृत्तान्त

आमच्या वार्ताहाराकडुन दिनांक २२ जुन स्थळ : भांबुर्डा २२जुन हा उभ्या महाराष्ट्राला एक अविस्मरणीय दिवस. बर्रोब्बर एकशे दहा वर्षापूर्वी याच भांबुर्ड्याच्या गणेश खिंडीत एक ऐतिहासीक प्रसंग घडला होता. या प्रसंगाची पुन्हा बरोबरी होणे नाही. याच दिवसाचा पूर्व दिन भाम्बुर्डा दंगलीसाठी म्हणुन मुक्रर झाला करण्यात आला होता.दंगलीचा काळ ठरला होता पण स्थळ काही ठरत नव्हते.विजुभौ नी लैच टीमकी बडवली म्हणुन शांग्रीला अशा नेपाळी नावाच्या म-हाठी हाटीलात ( पहा एकविसाव्या शतकात देशांच्या सीमा कशा लहान होत चालल्यात ते)दंगल ठरवली. आखाड्यात दस्तुरखुद मोठे आनन्दयात्री आणि संत ईनोबा यानी पानी मारुन धुलीचा बंदोबस्त करुन ठेवला होता. बारीक लाल माती व्यस्थीत मळुन ठेवली होती आखाड्यात एकही खडा रहाणार नाही ( खडा म्हणजे बारका पत्थर....खडा रहाणार नाही म्हणजे उभा रहाणार नाही असा अर्थ घेउ नये)याची चोख खबरदारी घेतली होती. तालीम मास्तर संत ईनोबा असल्यावर कोणतीही कसूर रहाणार नाही हे नक्की होतेच. तरीही थोरले आनन्दयात्री यानी नेहमीच्या सवयीनुसार सर्व काही ठीक आहे याची जातीने पडताळणी केली. दंगलीची वेळ संध्याकाळची होती. ही वेळ पैलवानाना सोयीची असते...पडझडले तर आराम फ़र्मावता येतो या हिशेबानेच अनुभावी इनोबानी सगळा बंदोबस्त ठेवला होता. जंगी कुस्तीचा फ़ड आहे हे कळल्यामुळे जणु अवघ्या पुण्यनगरीने कुस्त्यांच्या दंगलीच्या ठिकाणास प्रथम पसंती दिली असावी इतकी तौबा गर्दी रस्त्यावर होती. हळु हळु एकेक पैलवान येउ लागले. हिमालया येवढे उंच संत ईनोबा स्वातध्याक्ष होते. रुस्तुम ए चिंचवड शेखर , डोमकेसरी डोमकावाळे ,अती लाईट वेट कॆटेगरी पेहेलवान धमालखान ,रुस्तुम ए बिबवेवाडी आनन्दयात्री ,सगळे आले. विजुभाऊ नी धमाल बाळासोबत नन्तर उशीरा येउन अल्यागेल्याची विचारपुस केली. सर्वजण स्थानापन्न होतात्से झाले. दुसरे रुस्तुमे बिबवेवाडी मिपा केसरी पैलवान सखाराम जी याना गटणे त्यावेळी चहा पोह्याच्या लढाईस ऐन वेळी जावे लागले असल्याकारणे ते येतो म्हणुनही येऊ शकले नाहीत. कानोकानी चालत आलेल्या बातमीनुसार कोणी कोठे बोलावले तर आपल्या साहित्यासाधनेत व्यत्यय नको म्हणुन दुसरे रुस्तुमे बिबवेवाडी मिपा केसरी पैलवान सखाराम जी हे नेहमीच चहा पोह्याच्या लढाईस गेलो होतो असे सांगतात. अशी वदंता आहे. विषेश म्हणजे चहापोह्याच्या इतक्या लढाया लढुनही ;गनीमाने आतापावेतो त्याना अनेक वेळा खिंडीत गाठौनही; प्रत्येक वेळी अंगावर एकही जखम न घेता ते सुखरूप परत आलेले आहेत. त्यासाठी आता गनीमच मिपा महागुरु कैलीफ़ोर्नियापीठाधीश पिवळाडाम्बीस काकांच्या शिकवणी लावणार आहेत असे कळते. सर्व लोक ज्यांची उत्कंठेने वाट पहात होते ते सर्वांचे आवडते सुपारी सम्राट दख्खन केसरी कैसर ई हिन्द महान छोटा डॊन यांचे आगमन झाले. त्याना पाहिल्याबरोबर प्रेक्षकातुन एकदम जी कडकडकड्कडकड टाळी पडली..........किर्र्र्र्र्र्र्किच्च ब्रेक दाबल्याचा...मोटारीवरमोटार आपटल्याचा किंवा एकसाथ एकाच वेळी सगळे फ़डताळ पालथे हौन भांडीकुंडी वाजावी तसा आवाज झाला. आमच्या वार्ताहराच्या मते हा आवाज प्रेक्षकानी वाजवलेल्या टाळ्यांचा होता. लोक तो आवाज कोणीतरी कोनावरतरी आदळल्याचा आवाज होता असे म्हणतात. सर्वांचे आणि वार्ताहाराचे लक्ष्य त्यावेळी सुपारी सम्राट दख्खन केसरी कैसर ई हिन्द महान छोटा डॊन यांचे कडे होते. लोक घाबरु नयेत म्हणुन सुपारी सम्राट दख्खन केसरी कैसर ई हिन्द महान छोटा डॊन यानी यावेळे त्यांचा अंगरक्षक कन्दील्फ़ेम आंबोळी याला सोबत आणले नव्हते. तर त्यांच्याच गेन्ग मधल्या एकाचे तरुणीप्रमाणे केशांतर करवुन लोकाना चकमा दिला होता कुस्त्यांची दंगल सुरु झाली....एकेक पैलवान दुसयाचा जोर आजमावु लागला. धमाल आणि आनन्दयात्री अशी जोडी प्रथम आखाड्यात उतरली..आपल्याला हा भारी पैलवान जोड म्हणुन दिला म्हणुनअती लाईट वेट कॆटेगरी पेहेलवान धमाल खुश होता..आणि सोबत हा असला पैलवान दिला आता कुस्ती एकदम सोपी जाईल म्हणुन ,रुस्तुम ए बिबवेवाडी आनन्दयात्री खुश होते. त्यानी मोगॆम्बो खुष हुवा अशी आरोळी मारायचीच बाकी ठेवली होती.त्यांनी आर्य आणि पर्शियन परंपरेला साजेल अशा नूरा कुस्तीला प्रारंभ केला.मल्ल डोमकेसरी डोमकावाळे पंचगिरी करत होते. काही निर्णय चुकले तर त्यानाच पंचेस खावे लागत होते. कट्टा सत्विक असावा अशी सुपारी सम्राट दख्खन केसरी कैसर ई हिन्द महान छोटा डॊन यांची ईच्छा होती. ते वेळोवेळी त्या वचनाला स्मरत होते. दुस-य़ाच क्षणी ते "हेच एक सत्य..बाकी जग मिथ्य " म्हणत मोहाला बळी पडत होते. अचानक कट्ट्यावर धमाल बाळाने स्वत:ची ओळख करुन दिली. त्यावेळी धमाल मुलाने "धमाल" या नावाचे पेटंट आपल्याकडे असुन ते इतरानी वापरले तर आपल्याला रॊयल्टी म्हणुन केळवण द्यावे लागेल अशा अर्थाचा कायदेशीर कराराचा कागद दाखवला. धमाल बाळाने "बले झाले ले धमु काका; शकाली बशायला आनि पुशायला पन वापलता येईल" असे म्हणुन तो कराराचा कागद स्वत:कडे ठेउन घेतला. निकाली कुस्ती ची परम्परा असलेल्या मैदानात नूरा कुस्ती हा प्रयोग जरा आगळाच होता. त्यामुळे थकलेले पैलवान एकमेकाना मूठी उलटी करुन "टैम प्लीज" म्हणु लागले. म्हणुन मिपागौरव पुरस्कार देण्यात येऊ लागले. ******मिपा जीवन गौरव नाट्यभैरव नामंकने १) विजुभाऊ : :धमुचे लग्न २) भडमकर मास्तर : करीयर गायडन्स क्लासेस ३)डॊ प्रसाद दाढे : मॆरेज सर्टीफ़िकेट रीन्युअल यावर्षीचा मिपा जीवन गौरव नाट्यभैरव पुरस्कार हा एकमताने "भडकमकर मास्तर" याना देण्यात आला. ******मिपा जीवन गौरव मिपा वेताळ नामंकने १)मदनबाण : अभ्यंकरांच्या चपला २)आम्बोळी: कन्दील. ३) आम्बोळी : मी पाहिलेले मयत हा यावर्षीचा मिपा जीवन गौरव सर्वानुमते देण्यात आला आम्बोळी: कन्दील. ******मिपा जीवन गौरव मिपा देवर्षी लोकाना मंत्रमुग्ध करुन त्याना चित्रबद्ध खिळवुन ठेवण्याबद्दल देण्यात येणारा पुरस्कारासाठी नामांकने होती १) पिवळा डांबीस : गाबीत मास्तर २) पिवळा डाम्बीस : अब्दुलखान ३)राजे :प्रवास ४)प्रमोद देव :माझे बालपण हा यावर्षीचा मिपा जीवन गौरव सर्वानुमते देण्यात आला पिवळा डांबीस : गाबीत मास्तर ******मिपा सर्वोत्क्रुष्ठ विडम्बन काव्य विनोदी लिखाणा बद्दल देण्यात येणारा हा पुरस्कार याची नांमांकने १) अवखळ मनाचा झारा २)जाडी दहा मणांची ३)मदिरेच हाणितो पेले. विनोदी लिखाणा बद्दल देण्यात येणारा हा पुरस्कार सर्वानुमते देण्यात आला जाडी दहा मणांची.... मिपा पाकशास्त्री सर्वोत्कृष्ठ पाककृती साठी नामांकने १) पेठकर काका २) स्वाती राजेश ३) स्वाती दिनेश हा पुरस्कार या तिन्ही नामांकनात विभागुन देण्यात आला मिपा वात्रटाचार्य चहाटळ झोटिंग प्रतिसादात वात्रटपणा करण्यासाठी देण्यात येणारा पुरस्कार या पुरस्कारासाठी सर्वात जास्त चढाओढ होती. नामांकने १) धमाल मुलगा :जहब-या आणि ठ्यॊ फ़ेम २) आनन्दयात्री ३)विजुभाऊ ४) पुण्याचे पेशवे ५)पिवळा डाम्बीस ६)मनस्वी ७)ऋचा ८)पेठकरकाका : ९)छो.डॊन १०) सखाराम गटणे. खरड फ़ळ्यावर होणारी दंगले कोणत्या सदरात गृहीत धरायची असे विचारत या पुरस्कारावरुन सर्व पंच मंडळीत बराच वाद झाला. नूराकुस्तीला ख-या कुस्तीचे स्वरूप येईल की काय अशी दंगल ऊसळली. प्रसंग ओळखुन धमाल बाळाने मध्यम मार्ग म्हणुन एक उपाय सुचवला. हा पुरस्कार कोणाला द्यावा हा निर्णय सर्व मिपा सदस्यांवर सोपवण्यात आला असुन त्यावर एक स्वतंत्र धागा उघडुन त्यावर कौल घ्यावा.बिरुटे सर, रामदास,चतुरंग काका, छोटी टिंगी.अशा ज्येष्ठ सदस्यानी याचा निवाडा करावा. सर्व उपस्थित सदस्यानी यास एकमुखाने अनुमोदन दिले.आणि घड्याळाने २२ जुन उजाडली असे जाहीर केल्याने; भांबुर्डा दंगल उरकली असे जाहीर करण्यात आले. आमचा वार्ताहार कळवतो की पुरस्कार जाहीर झाल्यावर अशी दंगल पुन्हा एकदा घेणेत येईल.स्थळ काळ वेळ मागाहुन कळवनेत येईल. आपला वाल्ताहल : धमाल बाळ