पुढील दोन वर्षासाठी महाराष्ट्र मंडळाच्या कार्यकारी समिती मधे सहभागी होण्याचे ठरवले आहे. नव्या जोमाने, काही बदल घडवून आणण्याच्या उमेदीने वार्तापत्र मराठी मधे काढण्याचा हट्ट नवीन समितीने धरला आहे, अन त्या कामाला सुरुवात देखील झाली आहे. घरी माझी आई, बाबा, मुलगी , नवरा, सगळेच मराठी कविता करतात, पण मी कधी त्या वाटेला गेले नाही, हा माझा प्रांत नव्हे ... परवा अचानक मनातले विचार या रचनेत प्रकटले... कार्याचे आरंभी गणेशाचा मान पहिले कवन त्यास वाहू । रमवाया तुम्हां नवे उपक्रम असा नित्यक्रम चालू द्यावा । “ब्रोशर" नव्हे हे म्हणू वार्तापत्र बोलवा सर्वत्र होवो त्याचा । वाट पाहतो, या या सहकुटंब आनंदे तुडुंब मन होवो । धोंडोपंतांचे आणि मि.पा. चे आभार !