Skip to main content

भैरवी

लेखक क्रान्ति यांनी मंगळवार, 06/10/2009 07:50 या दिवशी प्रकाशित केले.

एक एक पाश तोड, गुंतण्याची वेळ नाही
परतीचा प्रवास हा, थांबण्याची वेळ नाही

विसर ते हेवेदावे, घाल अपराध पोटी,
कोण कसे चुकले हे सांगण्याची वेळ नाही

तुझे नसलेले सारे गुन्हे इथे सिद्ध झाले,
वेड्या मना, तुझी बाजू मांडण्याची वेळ नाही

संकटांनी आयुष्याशी उभे दावे मांडलेले,
रात्र ही वै-याची आहे, पेंगण्याची वेळ नाही

पैलतीर दिसे आता, आवरून घे सुरांना,
भैरवीवाचून काही रंगण्याची वेळ नाही

काव्यरस
करुण
शांतरस
लेखनविषय:
वाचने 5111
प्रतिक्रिया 22

प्रतिक्रिया

अवलिया मंगळवार, 06/10/2009 09:28

सुरेख ! रचना आवडली ! !

--अवलिया
============
यॉर्कर भल्याभल्यांची दांडी उडवतो... म्हणुन पक्षपाती पंच त्याला नोबॉल ठरवतात.

प्रमोद देव मंगळवार, 06/10/2009 09:50

सगळेच शेर मस्त आहेत.

पैलतीर दिसे आता, आवरून घे सुरांना,
भैरवीवाचून काही रंगण्याची वेळ नाही

हा शेर 'हासिले गजल' (की असंच काहीसं) म्हणतात तसा शेर आहे.

...ह्या गजलेला चाल लावलीच पाहिजे......

विरोधकांनो सावधान. ’चाल’ अस्त्र फेकून मारलं जाईल. ;)

मनिष बुधवार, 07/10/2009 09:58

सगळेच शेर मस्त आहेत. प्रमोद्काकांनी म्हटल्याप्रमाणे, हे तर शिखरच!

पैलतीर दिसे आता, आवरून घे सुरांना,
भैरवीवाचून काही रंगण्याची वेळ नाही

गोगट्यांचा समीर मंगळवार, 06/10/2009 09:53

कविता आवडली..

संकटांनी आयुष्याशी उभे दावे मांडलेले,
रात्र ही वै-याची आहे, पेंगण्याची वेळ नाही

हे तर मस्तच!!

युयुत्सु मंगळवार, 06/10/2009 10:25

छान कविता

युयुत्सु
-------------------------------------
यस्य कस्य तरोर्मूलं येन केनापि मर्दितम् |
यस्मै कस्मै प्रदातव्यं यद्वा तद्वा भविष्यति ||

- कोणत्यातरी झाडाची मुळे घ्यावीत, ती कशाने तरी ठेचावित, कुणालाही द्यावित, काहीतरी नक्की होईल.

पार्टनर मंगळवार, 06/10/2009 20:14

प्रत्येक शेर दुसर्‍यापेक्षा भन्नाट ..

खास !!

(अवांतर : शेवटचा महत्त्वाचा 'भैरवी' चा शेर, संगीतातलं फार काही ज्ञान नसल्याने नीटसा समजला नाही.)

सुबक ठेंगणी बुधवार, 07/10/2009 03:54

खूपच छान गझल. मलाही शेवटचाच शेर आवडला.

पार्टनर,
ही कविता म्हणजे मृत्यूचे वेध लागलेल्या माणसाचे मनोगत आहे. भैरवी हा राग मैफिलीचा समारोप करताना गातात...त्यामुळे जीवनाच्या मैफिलीच्या शेवटी आता भैरवीशिवाय काहीच रंगणार नाही असं इथे सुचवायचं आहे असं मला वाटतं. क्रांतीतै बरोबर नां?

क्रान्ति बुधवार, 07/10/2009 07:44

हाच अर्थ आहे या कवितेचा.

क्रान्ति
दिव्यत्वाची जेथ प्रचीती | तेथे कर माझे जुळती
अग्निसखा
रूह की शायरी