मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव मराठी माणसांचे ऑनलाईन व्यासपीठ

भेटी

क्रान्ति · · जे न देखे रवी...
लेखनविषय:
कविता
काव्यरस
शृंगार
उजळती दीप स्वप्नांचे अलवार क्षणांच्या भेटी बहरात गंध प्रणयाचा, त्या बकुळफुलांच्या भेटी भिरभिरता अवखळ वारा, सरसरत्या श्रावणधारा नखशिखांत भिजल्या हिरव्या पाऊसखुणांच्या भेटी उलगडली कितिक रहस्ये, गीतांत भाव अवतरले शरदात चांदण्या रात्री हळुवार सुरांच्या भेटी सुकलेल्या गजर्‍यामधल्या गंधाचा अत्तरफाया रुसव्याचे फसवे नखरे, हसर्‍या अधरांच्या भेटी तळव्यावरच्या मेंदीच्या नक्षीत रंगली प्रीती सुकुमार कंठि गुंफियल्या रेशमी करांच्या भेटी विसरून भान काळाचे रंगल्या किती गुजगोष्टी जणु पुस्तकात दडलेल्या मृदु मोरपिसाच्या भेटी अलगद टिपले तार्‍यांनी हृदयाशी मधुर क्षणांना अन् चंद्रानेही जपल्या अंतरी मनांच्या भेटी
वाचने 2010 वाचनखूण प्रतिक्रिया 6

हृषीकेश पतकी 27/08/2009 - 14:22
शृंगार रसात अगदी चिंब भिजवलंस !! उत्तम जमलीये.. :) आपला हृषी !!

ऋषिकेश 27/08/2009 - 15:18
वा छान भेटी! :) कविता आवडली ऋषिकेश ------------------ संध्याकाळचे ३ वाजून १८ मिनीटे झालेली आहेत. चला आता ऐकूया एक कविता "प्रेमा तुझा रंग कसा...."

दत्ता काळे 27/08/2009 - 16:46
विसरून भान काळाचे रंगल्या किती गुजगोष्टी जणु पुस्तकात दडलेल्या मृदु मोरपिसाच्या भेटी . . . आवडले

मदनबाण 27/08/2009 - 16:50
विसरून भान काळाचे रंगल्या किती गुजगोष्टी जणु पुस्तकात दडलेल्या मृदु मोरपिसाच्या भेटी मस्तच... :) मदनबाण..... Stride 2009 :--- http://www.southasiaanalysis.org/%5Cpapers34%5Cpaper3354.html

मनीषा 27/08/2009 - 18:22
सुंदर कविता... भिरभिरता अवखळ वारा, सरसरत्या श्रावणधारा नखशिखांत भिजल्या हिरव्या पाऊसखुणांच्या भेटी विसरून भान काळाचे रंगल्या किती गुजगोष्टी जणु पुस्तकात दडलेल्या मृदु मोरपिसाच्या भेटी लय आणि शब्द ... अप्रतिम !!

प्राजु 27/08/2009 - 19:06
सुकलेल्या गजर्‍यामधल्या गंधाचा अत्तरफाया रुसव्याचे फसवे नखरे, हसर्‍या अधरांच्या भेटी तळव्यावरच्या मेंदीच्या नक्षीत रंगली प्रीती सुकुमार कंठि गुंफियल्या रेशमी करांच्या भेटी अफाट!! अप्रतिम!! प्रत्येक कडवं सुंदर!! - (सर्वव्यापी)प्राजु http://praaju.blogspot.com/