Skip to main content

|| गीत अभिमानाचे स्फुरु दे ||

मनीषा
प्रकाशित मुखपृष्ठ
९ ऑगस्ट -- "क्रांती दिन "
उंच उभारुनी ध्वजा केशरी जयजयकार निनादु दे | पेटलेल्या संगराची ज्योत गगनाला भिडू दे || सामोरी येथ आमुच्या लोहपाशात बद्ध देवता थेंब तिच्या अश्रुचा धगधगती ज्वाला बनू दे || आव्हान असे दश-दिशांना अजिंक्य आमुची विजिगीषा बेभान अनावर आवेगाला साथ धैर्याची मिळू दे || तळपति तेज दामिनी उसळू द्या आवेशाने अर्ध्य उष्ण रुधिराचे तेजाला त्या अर्पू दे || उभा पुढे जरी काळ राही नसे तमा आम्हा जराही मत्त , उन्मत्त अहंकाराला धाक शौर्याचा असू दे || पाप नाचते उन्मादाने धुंद होत आपुल्या बळाने अमानुष त्या क्रौर्याचा नाश पुण्याला करू दे || धुमसत राही आग अशी रण भूमीच्या -हुदयांतरी उधळुनी प्राण पुष्पे ही गीत अभिमानाचे स्फुरु दे ||
याद्या 4690
प्रतिक्रिया 12
लेखनविषय:
कविता

विशाल कुलकर्णी 07/08/2009 - 17:23
छान ! सस्नेह विशाल ************************************************************* मज पिसे लागलेले सुखांचे गे हलकेच धुके ओसरते आहे...

दत्ता काळे 07/08/2009 - 17:35
कविता चांगली आहे. कडव्याच्या शेवटच्या 'दे' ह्या शब्दामुळे, मला कवी यशवंतांच्या ' वाढु दे कारागृहाच्या भिंतीची उंची किती . . . . कवितेची आठवण आली.

मदनबाण 07/08/2009 - 19:01
पाप नाचते उन्मादाने धुंद होत आपुल्या बळाने अमानुष त्या क्रौर्याचा नाश पुण्याला करू दे || छान कविता. :) मदनबाण..... Try And Fail, But Don't Fail To Try Stephen Kaggwa

विसोबा खेचर 07/08/2009 - 19:36
एक उच्च दर्जाची कविता वाचल्याचा आनंद झाला... तात्या.

प्राजु 08/08/2009 - 08:58
खूप छान कविता. एकदम मस्त!! - (सर्वव्यापी)प्राजु http://praaju.blogspot.com/

पॅपिलॉन 08/08/2009 - 11:18
समयोचित, चांगली कविता. फ्रेंचमध्ये पॅपिलॉन म्हणजे फुलपाखरू. फुलांफुलांवर उडत बागडत जाऊन त्यांचा मकरंद चाखणारे फुलपाखरू. पण हातात धरू जाल, तर हाती न येणारे फुलपाखरू.

राघव 08/08/2009 - 12:18
चांगलंय. राघव ( आधीचे नाव - मुमुक्षु )

क्रान्ति 11/08/2009 - 17:23
आव्हान असे दश-दिशांना अजिंक्य आमुची विजिगीषा बेभान अनावर आवेगाला साथ धैर्याची मिळू दे || अप्रतिम कविता! क्रान्ति सजदे में सर झुकाया तो मैंने सुनी सदा | कांटों में भी फूलो़ को खिलाता ही चला जा अग्निसखा रूह की शायरी