मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

ताई

बेसनलाडू · · जे न देखे रवी...
लेखनविषय:
कविता
काव्यरस
करुण
नाही कधीच बसले ते पाठीवरी धपाटे, जाण्या कुशीत रडण्या नशीब झुरले आहे खेळातले भांडणे वा लाडातले गालगुच्चे, ताईकडे झोपण्याला नशीब चुकले आहे ताऊचा घास पहिला भरविता म्हणे आई, "सोन्या, तुझ्या पाचवीला नशीब पुजले आहे" फोटोत फक्त हसते किती गोड माझी ताई! घेण्यास बघ मुका तो नशीब मुकले आहे रेषा कुठली चुकीची कळण्यास वाव नाही, भरल्या हातावरूनी नशीब उठले आहे (काही बदलांसह पूर्वप्रकाशित)
वाचने 3130 वाचनखूण प्रतिक्रिया 8

दशानन 29/07/2009 - 13:35
सुंदर !!! खेळातले भांडणे वा लाडातले गालगुच्चे, ताईकडे झोपण्याला नशीब चुकले आहे निशब्द !!! +++++++++++++++++++++++++++++

आशिष सुर्वे 29/07/2009 - 16:22
प्रति, बेसनलाडू.. आम्हाला सख्खी बहीण नाहीय.. वाचताना डोळे पाणावलेत... ''रेषा कुठली चुकीची कळण्यास वाव नाही, भरल्या हातावरूनी नशीब उठले आहे'' अजून काहीच बोलू शकत नाही. - कोकणी फणस ''आयुष्य ही देवाच्या हातची मिसळच जणू.. सुख-दु:खाची!''

राघव 29/07/2009 - 23:07
अप्रतीम लिहिलेत बेला. :) खूप सुंदर. (काही ठिकाणी लयीत खपल्यासारखे वाटले कारण ते बेला कडून अपेक्षीत नाही.. :) ) भावना ओतप्रोत भरलेली आहे अगदी! सलाम!! राघव ( आधीचे नाव - मुमुक्षु )