नामस्मरण, चिंतन, सुख वैकुंठीचे जाण चित्ती नांदे समाधान, सा-या चिंता कृष्णार्पण भावभक्ती वाळवंट, मंदिर हे अंतरंग वृत्ति वाहे चंद्रभागा, तिथे वसे पांडुरंग जड देहाचे हे भोग केले त्यालाच अर्पण तूच अनंत ब्रम्हांड, तूच धरा, तू आकाश दूर सारी जो तमाला, अंतरीचा तू प्रकाश तूच दाता, तूच त्राता, तूच कार्य, तू कारण काया, वाचा, मन देवा तुझ्या चरणी लागावे आधि- व्याधी, व्याप- ताप, माया मोह दूर व्हावे तुझे दर्शन घडावे, तनू त्यागताना प्राण