पाऊस ओला..

प्राजु जे न देखे रवी...
सतरंगी रथात बसून आला पाऊस ओला.. पाऊस ओला.. हिरवाई भारली सृष्टीच्या रंगात शुभ्रसा निर्झर धरणीच्या भांगात धुक्याचा कापूस पिंजून गेला.. पाऊस ओला .. पाऊस ओला.. गर्जत मेघांचे तुषार सांडले तृणांवर मोत्यांनी डावही मांडले मेघांनी झाकला नभाचा टीळा.. पाऊस ओला.. पाऊस ओला.. झाडांच्या हातांत वेलींचा चुडा ओसंडून वाहतो मेघांचा घडा शृंगार हिरवा ऋतू ल्यायला.. पाऊस ओला.. पाऊस ओला.. निळ्याशा थेंबात आभाळ दाटे मातीच्या हृदयांत दरवळ भेटे अल्लड अवखळ सरींचा मेळा.. पाऊस ओला.. पाऊस ओला.. ओलेत्या रानांत, ओलेती चाहूल ओलेत्या मनांत, ओलेती हुरहूर हृदयांत शिरशिरी शिंपून गेला.. पाऊस ओला.. पाऊस ओला.. - प्राजु
वर्गीकरण
Taxonomy upgrade extras
लेखनविषय:
25 टिप्पण्या 4,686 दृश्ये
शेअर करा: 📱 WhatsApp

Comments

क्रान्ति नवीन

खूप खूप आवडली पाऊसकविता! क्रान्ति ध्यानम् मूलम् गुरुमूर्ति, पूजामूलम् गुरु पदम् मंत्र मूलम् गुरुवाक्यम्, मोक्षमूलम् गुरुकृपा अग्निसखा
अवलिया नवीन

वा! मस्त सुरेख रचना !!
ओलेत्या रानांत, ओलेती चाहूल ओलेत्या मनांत, ओलेती हुरहूर हृदयांत शिरशिरी शिंपून गेला..
खास आवडले :) --अवलिया
संदीप चित्रे नवीन

>> झाडांच्या हातांत वेलींचा चुडा क्या बात है प्राजु -- ही कल्पना खूप आवडली. एकूण सगळीच कविता आवडली त्यामुळे विशिष्ठ कडवं वेगळं काढू शकत नाही. --------------------------- माझा ब्लॉगः http://atakmatak.blogspot.com
जयवी नवीन

ए किती गोड कविता !! वेलींचा चुडा ही कल्पना मलाही खूप आवडली. संदीपला अगदी मनापासून अनुमोदन :)
दत्ता काळे नवीन

हे कडवं सर्वात जास्त आवडलं : ओलेत्या रानांत, ओलेती चाहूल ओलेत्या मनांत, ओलेती हुरहूर हृदयांत शिरशिरी शिंपून गेला.. पाऊस ओला.. पाऊस ओला.. - कविता आवडली.
लिखाळ नवीन

छान कविता.. वेलींचा चुडा ही कल्पना आवडली :) -- लिखाळ. या प्रतिसादासाठी एकदा जोरदार टाळ्या झाल्या पाहिजेत !!! - लिखाळ जोशी :)
चित्रा नवीन

सुरेख फूल आणि कविता. पाऊस म्हटला की मला सोनटक्क्याची फुले आठवतात..
बिपिन कार्यकर्ते नवीन

प्राजुची अजून एक मस्त कविता!!!
ओलेत्या रानांत, ओलेती चाहूल ओलेत्या मनांत, ओलेती हुरहूर हृदयांत शिरशिरी शिंपून गेला.. पाऊस ओला.. पाऊस ओला..
हे तर बेष्टच. बिपिन कार्यकर्ते
मराठमोळा नवीन

सहमत आहे. :) ओलेत्या रानांत, ओलेती चाहूल ओलेत्या मनांत, ओलेती हुरहूर हृदयांत शिरशिरी शिंपून गेला.. पाऊस ओला.. पाऊस ओला.. सुंदर आपला मराठमोळा. कोणत्याही गोष्टीचा ताप येईपर्यंत ठीक असते, पण तिचा कर्करोग होऊ देऊ नये!!
अनामिक नवीन

हेच म्हणतो... सुंदर कविता. -अनामिक
राघव नवीन

असेच म्हणतो. अवलिया अन मराठमोळा, दोघांशीही सहमत. छान लिहिलेस! :) राघव ( आधीचे नाव - मुमुक्षु )
प्राजु नवीन

अहो.. ओढा नव्हे. झरा किंवा निर्झर. ओढा जनरली हा नाल्यासारखा असतो. :( - (सर्वव्यापी)प्राजु http://praaju.blogspot.com/
प्राजु नवीन

सर्वांचे मनापासून आभार. खरंतर, काल लेकाच्या शाळेची फिल्डट्रीप होती. मी वॉलेंटीयर म्हणून गेले होते. जिथे गेलो होतो तिथे जंगल होतं आणि त्यात पाऊस ही होता. तो हिरवा सोहळा पाहून पेपर नॅप्किन वर खरडलेले शब्द आपण सगळ्यांनी गोड मानून घेतलेत.. त्याबद्दल खूप खूप आभार. - (सर्वव्यापी)प्राजु http://praaju.blogspot.com/
दिपाली पाटिल नवीन

प्राजु, मस्त कविता आहे, वाचुन च पाऊस अनुभवता आला...ईकडे नाहिये अजुन पाऊस !! दिपाली :)
सुबक ठेंगणी नवीन

अगं इथला पाऊस जाम बोरिंग असतो...तुझ्या कवितेमुळे माहेरचा पाऊस आठवला...
प्राजु नवीन

पुन्हा एकदा सर्वांचे मनापासून आभार. :) - (सर्वव्यापी)प्राजु http://praaju.blogspot.com/
चन्द्रशेखर गोखले नवीन

सुंदर !! आपल्या कवितेने पावसात भिजण्याचा आनंद दिला, ज्याची आम्ही मुंबईकर आतुरतेने वाट पहात आहोत. या ओळी खासच ... हिरवाई भारली सृष्टीच्या रंगात शुभ्रसा निर्झर धरणीच्या भांगात धुक्याचा कापूस पिंजून गेला.. पाऊस ओला .. पाऊस ओला.. गर्जत मेघांचे तुषार सांडले तृणांवर मोत्यांनी डावही मांडले मेघांनी झाकला नभाचा टीळा.. पाऊस ओला.. पाऊस ओला..