Skip to main content

पाऊस ओला..

लेखक प्राजु यांनी बुधवार, 10/06/2009 06:43 या दिवशी प्रकाशित केले.
सतरंगी रथात बसून आला पाऊस ओला.. पाऊस ओला.. हिरवाई भारली सृष्टीच्या रंगात शुभ्रसा निर्झर धरणीच्या भांगात धुक्याचा कापूस पिंजून गेला.. पाऊस ओला .. पाऊस ओला.. गर्जत मेघांचे तुषार सांडले तृणांवर मोत्यांनी डावही मांडले मेघांनी झाकला नभाचा टीळा.. पाऊस ओला.. पाऊस ओला.. झाडांच्या हातांत वेलींचा चुडा ओसंडून वाहतो मेघांचा घडा शृंगार हिरवा ऋतू ल्यायला.. पाऊस ओला.. पाऊस ओला.. निळ्याशा थेंबात आभाळ दाटे मातीच्या हृदयांत दरवळ भेटे अल्लड अवखळ सरींचा मेळा.. पाऊस ओला.. पाऊस ओला.. ओलेत्या रानांत, ओलेती चाहूल ओलेत्या मनांत, ओलेती हुरहूर हृदयांत शिरशिरी शिंपून गेला.. पाऊस ओला.. पाऊस ओला.. - प्राजु
Taxonomy upgrade extras
प्रकटन
आस्वाद
लेखनविषय:
वाचने 4693
प्रतिक्रिया 25

प्रतिक्रिया

क्रान्ति बुधवार, 10/06/2009 08:17
खूप खूप आवडली पाऊसकविता! क्रान्ति ध्यानम् मूलम् गुरुमूर्ति, पूजामूलम् गुरु पदम् मंत्र मूलम् गुरुवाक्यम्, मोक्षमूलम् गुरुकृपा अग्निसखा

अवलिया बुधवार, 10/06/2009 08:40
वा! मस्त सुरेख रचना !!
ओलेत्या रानांत, ओलेती चाहूल ओलेत्या मनांत, ओलेती हुरहूर हृदयांत शिरशिरी शिंपून गेला..
खास आवडले :) --अवलिया

संदीप चित्रे बुधवार, 10/06/2009 08:40
>> झाडांच्या हातांत वेलींचा चुडा क्या बात है प्राजु -- ही कल्पना खूप आवडली. एकूण सगळीच कविता आवडली त्यामुळे विशिष्ठ कडवं वेगळं काढू शकत नाही. --------------------------- माझा ब्लॉगः http://atakmatak.blogspot.com

जयवी बुधवार, 10/06/2009 12:44
ए किती गोड कविता !! वेलींचा चुडा ही कल्पना मलाही खूप आवडली. संदीपला अगदी मनापासून अनुमोदन :)

दत्ता काळे बुधवार, 10/06/2009 13:57
हे कडवं सर्वात जास्त आवडलं : ओलेत्या रानांत, ओलेती चाहूल ओलेत्या मनांत, ओलेती हुरहूर हृदयांत शिरशिरी शिंपून गेला.. पाऊस ओला.. पाऊस ओला.. - कविता आवडली.

लिखाळ बुधवार, 10/06/2009 16:21
छान कविता.. वेलींचा चुडा ही कल्पना आवडली :) -- लिखाळ. या प्रतिसादासाठी एकदा जोरदार टाळ्या झाल्या पाहिजेत !!! - लिखाळ जोशी :)

चित्रा शनिवार, 13/06/2009 06:42
सुरेख फूल आणि कविता. पाऊस म्हटला की मला सोनटक्क्याची फुले आठवतात..

बिपिन कार्यकर्ते बुधवार, 10/06/2009 19:26
प्राजुची अजून एक मस्त कविता!!!
ओलेत्या रानांत, ओलेती चाहूल ओलेत्या मनांत, ओलेती हुरहूर हृदयांत शिरशिरी शिंपून गेला.. पाऊस ओला.. पाऊस ओला..
हे तर बेष्टच. बिपिन कार्यकर्ते

मराठमोळा बुधवार, 10/06/2009 19:53
सहमत आहे. :) ओलेत्या रानांत, ओलेती चाहूल ओलेत्या मनांत, ओलेती हुरहूर हृदयांत शिरशिरी शिंपून गेला.. पाऊस ओला.. पाऊस ओला.. सुंदर आपला मराठमोळा. कोणत्याही गोष्टीचा ताप येईपर्यंत ठीक असते, पण तिचा कर्करोग होऊ देऊ नये!!

अनामिक बुधवार, 10/06/2009 20:43
हेच म्हणतो... सुंदर कविता. -अनामिक

राघव शुक्रवार, 12/06/2009 15:57
असेच म्हणतो. अवलिया अन मराठमोळा, दोघांशीही सहमत. छान लिहिलेस! :) राघव ( आधीचे नाव - मुमुक्षु )

प्राजु बुधवार, 10/06/2009 20:51
सर्वांचे मनापासून आभार. खरंतर, काल लेकाच्या शाळेची फिल्डट्रीप होती. मी वॉलेंटीयर म्हणून गेले होते. जिथे गेलो होतो तिथे जंगल होतं आणि त्यात पाऊस ही होता. तो हिरवा सोहळा पाहून पेपर नॅप्किन वर खरडलेले शब्द आपण सगळ्यांनी गोड मानून घेतलेत.. त्याबद्दल खूप खूप आभार. - (सर्वव्यापी)प्राजु http://praaju.blogspot.com/

दिपाली पाटिल बुधवार, 10/06/2009 22:38
प्राजु, मस्त कविता आहे, वाचुन च पाऊस अनुभवता आला...ईकडे नाहिये अजुन पाऊस !! दिपाली :)

सुबक ठेंगणी गुरुवार, 11/06/2009 09:59
अगं इथला पाऊस जाम बोरिंग असतो...तुझ्या कवितेमुळे माहेरचा पाऊस आठवला...

प्राजु शुक्रवार, 12/06/2009 22:07
पुन्हा एकदा सर्वांचे मनापासून आभार. :) - (सर्वव्यापी)प्राजु http://praaju.blogspot.com/

चन्द्रशेखर गोखले शनिवार, 13/06/2009 13:47
सुंदर !! आपल्या कवितेने पावसात भिजण्याचा आनंद दिला, ज्याची आम्ही मुंबईकर आतुरतेने वाट पहात आहोत. या ओळी खासच ... हिरवाई भारली सृष्टीच्या रंगात शुभ्रसा निर्झर धरणीच्या भांगात धुक्याचा कापूस पिंजून गेला.. पाऊस ओला .. पाऊस ओला.. गर्जत मेघांचे तुषार सांडले तृणांवर मोत्यांनी डावही मांडले मेघांनी झाकला नभाचा टीळा.. पाऊस ओला.. पाऊस ओला..

विसोबा खेचर सोमवार, 15/06/2009 09:48
प्राजू, अप्रतीम कविता..! शब्द नाहीत! तात्या.