माझं हल्ली असंच होतं, रामदास ह्यांचं काही लिखाण वाचलं की मी अस्वस्थ होतो. रामदास ह्यांच्या 'अडगळीतल्या काही कविता' ही त्याला अपवाद नाहीत. त्यांच्या कवितांवर 'वा! छानच!', 'क्लास', 'उच्च' असले प्रतिसाद देऊन भागत नाही हो आमचं म्हणून मग हे, १ टाळून कधी वृत्त कधी यमक. कविगणांनी सोडवून घेतलं स्वत:ला. थरथरवून अंग, उडवावं गोचिडीला, तसंच. आता वेळी अवेळी अनावर हुक्की आली तर .. विडंबन करतो. * * * * २ दूरवरचं बघणार्‍या बेसावध कवीला गाठावं कोपच्यात . तसा मी गाठतो कवितेला आजकाल. जालावर येता येता. * * * * * ३ दहा वेळा चोपूनही परत परत येणार्‍या लोचट प्रेमवीरासारखं. नविन काव्य परत दारात! चतुरंग