Skip to main content

(आड गल्लीतल्या काही कविता)

लेखक चतुरंग यांनी मंगळवार, 17/02/2009 23:45 या दिवशी प्रकाशित केले.

माझं हल्ली असंच होतं, रामदास ह्यांचं काही लिखाण वाचलं की मी अस्वस्थ होतो. रामदास ह्यांच्या 'अडगळीतल्या काही कविता' ही त्याला अपवाद नाहीत. त्यांच्या कवितांवर 'वा! छानच!', 'क्लास', 'उच्च' असले प्रतिसाद देऊन भागत नाही हो आमचं म्हणून मग हे,

१
टाळून
कधी वृत्त
कधी यमक.
कविगणांनी सोडवून घेतलं स्वत:ला.
थरथरवून अंग, उडवावं गोचिडीला,
तसंच.
आता
वेळी अवेळी
अनावर हुक्की आली तर ..
विडंबन करतो.
* * * *
२
दूरवरचं बघणार्‍या बेसावध कवीला
गाठावं कोपच्यात .
तसा मी गाठतो कवितेला
आजकाल.
जालावर येता येता.

* * * * *
३
दहा वेळा चोपूनही
परत परत येणार्‍या
लोचट प्रेमवीरासारखं.
नविन काव्य परत दारात!

चतुरंग

लेखनविषय:
लेखनप्रकार
वाचने 3616
प्रतिक्रिया 17

प्रतिक्रिया

बेसनलाडू बुधवार, 18/02/2009 00:03

२, ३ जबरा. वा रंगाशेठ एकाच चेंडूवर सिक्सर आणि चौकार दोन्ही मारल्यागत झालंय.
रंगशेठ गुगली, यॉर्करलाही ठोकायला लागला तर आता कवीजनांनी अजन्टा मेन्डिस् चा क्यारम् बॉल हुडकून काढावा काय?
(गोलंदाज)बेसनलाडू

मुक्तसुनीत बुधवार, 18/02/2009 19:56

ओरीजीनल काव्यापेक्षा भारी वाटतयं :
असहमत. (किंबहुना हे क्यायच्या क्याय मत मांडलंय असं मत =)) ! )

सॉल्लीड आवडल्लं

सहमत आहे ! खास रंगा टच आहे.

विसोबा खेचर बुधवार, 18/02/2009 08:04

कविगणांनी सोडवून घेतलं स्वत:ला.
थरथरवून अंग, उडवावं गोचिडीला,
तसंच.

हा हा हा! लै भारी! :)

तात्या.

रामदास बुधवार, 18/02/2009 12:18

सुंदर विडंबन.
इतकं चांगलं विडंबन होत असेल आणखी कविता लिहाव्याच असं म्हणतो.

शंकरराव बुधवार, 18/02/2009 15:06

अम्हाला ती मेजवाणीच असेल असे म्हणतो,
चतुरंग व रामदासांना पुढील काव्यास शुभेच्छा

शंकराराव

प्रा.डॉ.दिलीप बिरुटे बुधवार, 18/02/2009 15:13

दूरवरचं बघणार्‍या बेसावध कवीला
गाठावं कोपच्यात .
तसा मी गाठतो कवितेला
आजकाल.
जालावर येता येता.

* * * * *
३
दहा वेळा चोपूनही
परत परत येणार्‍या
लोचट प्रेमवीरासारखं.
नविन काव्य परत दारात!

केवळ क्लास !!!

( खूद के साथ बाता: ऐ आदमी है कुछ हटके )

राघव बुधवार, 18/02/2009 17:47

तुम्ही आता कवींसाठी भीतीदायक बनत चाललात राव... ;)
जबराट लिहिलंय!! केवळ क्लास!
(काव्य म्हणजे काय हे न कळलेला) मुमुक्षु

सुवर्णमयी बुधवार, 18/02/2009 19:09

दूरवरचं बघणार्‍या बेसावध कवीला
गाठावं कोपच्यात .
तसा मी गाठतो कवितेला
आजकाल.
जालावर येता येता.
वा मस्तच!
चालू द्या.
शुभेच्छा
सोनाली

लिखाळ बुधवार, 18/02/2009 19:36

जोरदार :)
फारच मस्त ..
पुढच्या ९७ कवितांची आणि विडंबनांची वाट पाहतो आहे :)
-- लिखाळ.