मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

विरोप

अनिला · · जे न देखे रवी...
लेखनविषय:
कविता
Taxonomy upgrade extras
प्रकटन
उघडली गवाक्षे फिरू लागली धरा तुज पत्र लिहाया झाले मी आधिरा टिचकीने एका ताव मिळे लिहाया @च्या गोलात पत्ताही दडे नेमका टपटपली अक्षरे उलगडती भाव मनीचे अक्षरेही घेती आकार रंग निराळे मज भासे ते ते लिहिले विद्युत डाकी टिचकीने एका क्षणात तुजला धाडी पावली लगोलग मज रे पोच पावती भासली जणू रे तुझीच ही सावली या कृती जरी असती यांत्रिक तावातिल शब्द सुवासिक मंत्रित मी मंत्रमुग्ध अन धुंद भान गंधित तुज होईल का रे आशीच ही लागण उघडली गवाक्षे फिरू लागली धरा तव पत्र पहाया झाले मी अधिरा
वाचने 4834 वाचनखूण प्रतिक्रिया 7

प्राजु Fri, 01/18/2008 - 01:35
अनिला, खूप छान लिहीलि आहेस कविता... वेगळी आहे एकदम. आवडली. प्राजु.

विसोबा खेचर Fri, 01/18/2008 - 08:55
'क्लीक' ला 'टिचकी' हा शब्द कवितेत अगदी चपखलपणे बसल्याचे पाहून गंमत वाटली! :) 'ताव', 'विद्युत डाक' हे शब्द आवडले! अवांतर - तावाप्रमाणेच 'रीम' हा शब्दही कवितेत आला असता तर मजा आली असती! :) असो, सुंदर कविता...! अजूनही अश्या कविता येऊ द्यात, शुभेच्छा! आपला, (ई-जगतातला) तात्या.

अनिला Fri, 01/18/2008 - 09:18
४ साला आधी माझा मुलगा एम्.एस. करायला आला तेव्हा सुचलेली आहे. कच्ची तयार होतीच.आणि मिसळपाव वर हेच शब्द पाहून लिहावी वाट्ली. धन्यवाद बरेका, खूप खूप

चतुरंग Fri, 01/18/2008 - 20:27
'विद्युत डाकी' शब्द भावला मनी काव्य वाचुनी मोद दिसे आननी 'ताव' काढुनि 'टिचकी' मी मारितो प्रतिकाव्ये मी प्रतिक्रिया ही देतो चतुरंग

सुधीर कांदळकर Sat, 01/26/2008 - 09:49
काळानुरूप मराठी भाषेत नवीन भर पडायलाच पाहिजे. ती देखील कवितेत. सोन्याहून पिवळे. गवाक्षे टिचकीने आणि विद्युत डाकी शब्द फार आवडले. पैकी फक्त टिचकी हा शब्द ठाऊक होता.