"बाबा मी एक कविता म्हणून दाखवू?"काल रात्री आमच्या चिरंजिवांनी (वय वर्षे ७) एक विचारणा केली. मी विचारले की शाळेत शिकवली का तर म्हणाला, "नाही, मीच केली." मी चकित! त्याला म्हणालो लिहून काढ. "मला कोणीही स्पेलिंग सांगू नका मला येईल तसे मी लिहीन नंतर सांगा." अशी आज्ञा करुन चिरंजीव लिहायला बसले. आता हा काय लिहिणार अशा आश्चर्यात मी होतो. त्याने झटपट लिहून ती मला दाखवलीन. "बाबा त्यांची कविता 'मिपा'वर (होय त्याला 'मिपा' चांगले माहीत आहे!) टाकतात तर माझीही कविता त्यांनी टाकायला पाहिजे." असा आग्रहवजा हुकूम शिरसावंद्य मानून त्याची कविता इथे देतोय. (त्याला सुचतील तशी 'फोनेटिक स्पेलिंग्ज' त्याने केली आहेत कंसातल्या 'दुरुस्त्या(?)' ह्या माझ्या आहेत. शुद्धलेखनाला फाट्यावर मारण्याचे त्याने एवढ्या लवकर मनावर घेतले असेल असे मला वाटले नव्हते! ;) पण गमतीची गोष्ट अशी की त्याने लिहिलेली मूळ स्पेलिंग्ज तशीच ठेवली तरी अर्थ समजण्यात काही कमी होत नाही! ) Seezens (seasons) In summer the sunshine is hot, we go to the beach and swim in the swiming (swimming) pools. In fall the leaves chaeng (change) colors, and they fall of the trees, the mother lets the children out. वरच्या कडव्यातल्या अधोरेखित ओळीचा अर्थ मला समजला नाही. त्याला विचारले तेव्हा म्हणाला "आई जशी मुलांना जन्म देते, त्यांना आपल्या शरीरापासून वेगळे होऊन जाऊ देते, तसे झाड पानांना जाऊ देते. त्यामुळे झाडाला आई आणि पानांना मुले असं म्हटलं आहे!" मी ऐकत राहिलो. दंग झालो. अशा कल्पना मुलांना सुचू शकतात ह्या कल्पनेने क्षणभर थरारून गेलो! In winter snow falls down to the ground you need to waer (wear) snow boots. In spring all the snow melts flowers grow its the rainee seezen (season). चतुरंग