मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

काळजाच्या या तळाशी राहशी तू.

Deepak Pawar · · जे न देखे रवी...
लेखनविषय:
कविता
काव्यरस
कविता माझी
काळजाच्या या तळाशी राहशी तू सारखी स्वप्नात माझ्या नांदशी तू. मागणे ते,"विसरुनी जावे मला तू!" काय सांगू? प्राण माझा मागशी तू. प्रेम ना माझे तुझ्यावर सांगताना का गं आता? या टिपाना ढाळशी तू? एवढी आता कशी ही बदलली तू वेचुनी काटे, फुलांशी भांडशी तू. आठवू मी का तुला? म्हणतेस आणिक चांदण्या मोजीत का या जागशी तू.
वाचने 3189 वाचनखूण प्रतिक्रिया 7

कर्नलतपस्वी Tue, 02/21/2023 - 07:48
कविता या वेळेस जरा हटके आहे. नेहमीच प्रेमरंगी रगंणारे, साजणी आता इथे तू एकदा येऊन जा सांजवाती सांजवेळी तू इथे लावून जा. बहरली ही बाग सारी, बघ फुले फुलली किती फुललेली ही फुले केसात तू माळून जा शब्द तू,संगीत तू, म्हणणारे तुम्हीं,आज विराणी का लिहीलीत? असो, तुमची रचना ती आमची प्रेरणा. &#129315 तहे दिलसे माफी मांगता हूॅ और चार लाईन खरडता हूॅ l उम्मीद है माफ करोगेl कविता निश्चितच आवडली.

चित्रगुप्त Tue, 02/21/2023 - 22:29
सांजवेळी आलेल्या 'साजणी' ला "जा जा" सांगणारा कवी हे सांगायला विसरला की काय ? - साजणी 'सातच्या आत' तू घरी जा - अन जाताना दार तेवढे लावून जा सभ्य सुसंकृत शालीन नारी पोचती सातच्या आत घरी

चौथा कोनाडा Fri, 03/10/2023 - 12:28
मस्त ! सुरेख ! मागणे ते,"विसरुनी जावे मला तू!" काय सांगू? प्राण माझा मागशी तू. या ओळी खासच !