मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

चिंब

अनन्त्_यात्री · · जे न देखे रवी...
लेखनविषय:
कविता
काव्यरस
मुक्त कविता
वृक्ष जसा - अंकुरण्या आधी बीजस्वरूपी अस्फुट असतो बाण जसा- सुटण्याच्या आधी प्रत्यंचेवर सज्ज राहतो मंत्र जसा - स्फुरण्याच्या आधी बीजाक्षरी निद्रिस्त राहतो अर्थ तसा उलगडण्या आधी शब्दांच्या निबिडात राहतो ओथंबून मग येतो अवचित कोसळतो अन् चिंब भिजवितो
वाचने 3749 वाचनखूण प्रतिक्रिया 10

राघव Mon, 12/27/2021 - 17:02
आवडली रचना. शेवट किंचित तुटक वाटतोय. आणिक एखादं कडवं हवं होतं असं वाटलं.

प्रसाद गोडबोले Mon, 12/27/2021 - 23:40
+१ अगदी हेच म्हणतो ! कवितेतील अगम्यता , अनाकलनीयता , अव्यावहारिक शब्द जाऊन त्या ऐवजी आलेला साधेपणा नक्कीच वाखाणण्याजोगा आहे ! ही कविता वाचुन कष्टाचं चीज बटर पनीर झाल्यासारखं वाटलं ! पुढील कवितेसाठी शुभेच्छा !