मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

असा पाऊस

पाषाणभेद · · जे न देखे रवी...
लेखनविषय:
कविता
मुक्तक
काव्यरस
शांतरस
नभातून पडावा पाऊस मनात उतरावा पाऊस धरतीमध्ये थेंब थेंब रुजवावा पाऊस झाडांवरल्या थेंबातूनी झरावा पाऊस कौलांच्या पागोळ्यांतूनी ओघळावा पाऊस हातातल्या ओंजळीत पकडूनी प्यावा पाऊस अधिर ओठांचा स्पर्शाने हलकेच चुंबावा पाऊस ललनेच्या केसांतूनी झटकावा पाऊस गावा पाऊस घ्यावा पाऊस पाऊस घेवून आपणही व्हावे पाऊस - पाभे ३०/०६/२०१९
वाचने 3806 वाचनखूण प्रतिक्रिया 9

नाखु 02/07/2019 - 07:20
अगदी शिडकावा सरींचा. एक विडंबन खदखदत आहे पण फक्त चाल येथून घेणार आणि लै लै वेगळ्या विषयाची हजामत आहे परवानगी देण्यात यावी अशी नम्र विनंती. भिजपावसातला वाचकांची पत्रेवाला नाखु

पाषाणभेद 03/07/2019 - 03:44
जाहीर परवानगी आहे. मुल अन कविता होईपर्यंत खाजगी राहते. एकदा झाल्यानंतर ते सार्वजनीक होते. ( अशी आमची येथेच जुन्या काळी स्वाक्षरी होती.) ए आण रे ते जुने मिपावरील सह्यांचे मॉड्यूल.
© 2026 मिसळपाव