Skip to main content

असा पाऊस

लेखक पाषाणभेद यांनी रविवार, 30/06/2019 23:37 या दिवशी प्रकाशित केले.
नभातून पडावा पाऊस मनात उतरावा पाऊस धरतीमध्ये थेंब थेंब रुजवावा पाऊस झाडांवरल्या थेंबातूनी झरावा पाऊस कौलांच्या पागोळ्यांतूनी ओघळावा पाऊस हातातल्या ओंजळीत पकडूनी प्यावा पाऊस अधिर ओठांचा स्पर्शाने हलकेच चुंबावा पाऊस ललनेच्या केसांतूनी झटकावा पाऊस गावा पाऊस घ्यावा पाऊस पाऊस घेवून आपणही व्हावे पाऊस - पाभे ३०/०६/२०१९
काव्यरस
शांतरस
लेखनविषय:
वाचने 3815
प्रतिक्रिया 9

प्रतिक्रिया

डॉ सुहास म्हात्रे मंगळवार, 02/07/2019 02:46
सुंदर !

नाखु मंगळवार, 02/07/2019 07:20
अगदी शिडकावा सरींचा. एक विडंबन खदखदत आहे पण फक्त चाल येथून घेणार आणि लै लै वेगळ्या विषयाची हजामत आहे परवानगी देण्यात यावी अशी नम्र विनंती. भिजपावसातला वाचकांची पत्रेवाला नाखु

पाषाणभेद बुधवार, 03/07/2019 03:44
जाहीर परवानगी आहे. मुल अन कविता होईपर्यंत खाजगी राहते. एकदा झाल्यानंतर ते सार्वजनीक होते. ( अशी आमची येथेच जुन्या काळी स्वाक्षरी होती.) ए आण रे ते जुने मिपावरील सह्यांचे मॉड्यूल.

ज्ञानोबाचे पैजार मंगळवार, 02/07/2019 10:43
आवडली पैजारबुवा,