अभ्यास चालू आहे

पुन्हा नव्या दमाने जातो कधी हसाया
दुखणे जुनेच पुन्हा मग लागते दुखाया

करून फस्त कणसे उडून गेले पक्षी
होतील चालू आता ह्या गोफणी फिराया

येतील न ते नक्की घेवून लिंबूपाणी
उंची उपोषणाची जाया नको ही वाया

सांभाळ लक्तरे तू धडूते तुझ्या कुडीची
अभ्यास चालू आहे त्याची गोधडी शिवाया

क्रांतीचे गीत आता ओठात घे तुझ्याही
झाल्या अति या गझला झाल्या पुऱ्या रुबाया

- नितीन अण्णा