मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

इतिहासाचं वर्तमान

अनन्त्_यात्री · · जे न देखे रवी...
लेखनविषय:
कविता
मुक्तक
समाज
काव्यरस
कविता माझी
वज्रलेप इतिहासावर उभा आश्वासक वर्तमान? निळ्या-भगव्या दगडांचे भागधेय सेम भगव्या-निळ्या डोक्यांवर बिनचूक नेम खळ्ळ खटॅक- खळ्ळ खटॅक : किडुकमिडुक चक्काचूर भक्क पिवळा आगडोंब : काळा धूर सर्वदूर १४४ कलमाच्या निगराणीला खाकी बंदूकदस्त्यांचे कुंपण पांढर्‍या बगळ्यांच्या अश्रुंचे इथेतिथे मतलबी शिंपण आलबेल इतिहासखपली कोण आत्ता खरवडतंय? सांभाळा, खाली आरपार सडकं वर्तमान वाहतंय
वाचने 1824 वाचनखूण प्रतिक्रिया 5

पगला गजोधर गुरुवार, 01/04/2018 - 12:15
चांगला प्रयत्न.... फक्त एकांगी वाटू नये म्हणून खालील सुझाव....
पांढर्‍या बगळ्यांच्या अश्रुंचे इथेतिथे मतलबी शिंपण
पांढऱ्या बरोबर, भगवा हिरवा निळा सुद्धा बगळ्यात...
आलबेल इतिहासखपली कोण आत्ता खरवडतंय?
बाबरी मस्जिद, पद्मावती अश्या अनेक खपल्या आहेत, तूर्तास इतकेच....

ज्ञानोबाचे पैजार Fri, 01/05/2018 - 09:39
ऐतिहासिक जखमा कुरवाळात राहिल्या की सडणारच सडणार्‍या जखमा झाकून ठेवल्या की वाढणारच हळुहळु मग एक दिवस ही कीड सार्‍या अंगभर पसरणार त्यावेळी गिधाडांच्या स्वाधिन होण्याशिवाय गत्यंतर नसणार सडका भाग कापायला मोठ्या विवेकाची आणि धैर्याची गरज आहे पण विवेकाचा गळा घोटण्यामधेच आमचे सारे शौर्य सामावलेले आहे पैजारबुवा,

गामा पैलवान Fri, 01/05/2018 - 18:51
अनन्त्_यात्री, कविता ठीकठाक. पण आलबेल इतिहासखपली म्हणजे काय? काश्मिरी हिंदूंच्या जखमांवर खपली धरली आहे काय? माझी गत काश्मिरी हिंदूंसारखी होऊ नये म्हणून काय करायला पाहिजे? केरळातला मणी नामे कम्युनिस्ट नेता रास्व संघाच्या कार्यकर्त्यांच्या हत्या केल्याचं जाहीर सभेत उघडपणे सांगतो. मग जखमांवर खपली धरेल कशी? कवितेचा आशय सेक्युलर अॅपॉलॉजिस्ट आहे. आ.न., -गा.पै.