Skip to main content

महाबडबडगीत

लेखक अनन्त्_यात्री यांनी बुधवार, 13/09/2017 या दिवशी प्रकाशित केले.
वस्त्र ढगांचे धुवून सागरी वाळत घालीन व्योमी धग सूर्याची परिटघडीला येईल माझ्या कामी कधि चंद्राचा घेउनी चेंडू करेन क्रीडा गगनी चांदणमेवा थोडा थोडा चाखिन अधुनी मधुनी प्रकाशवर्षांचे अंतर मी तोडिन प्रकाश वेगे अंतरिक्ष लंघून संपता कशास येईन मागे? भव्य स्वप्न हे माझे कधितरी येईल का सत्यात? ठाऊक नाही, पण तोवर मी झोपून पाहीन वाट!
काव्यरस
काहीच्या काही कविता
लेखनविषय:
वाचने 4179
प्रतिक्रिया 11

प्रतिक्रिया

रुपी बुधवार, 13/09/2017
सुरेख! शीर्षक मात्र कवितेला तेवढा न्याय देणारे नाही असे वाटले..

पुंबा गुरुवार, 14/09/2017
मस्त!!!
पण तोवर मी झोपून पाहीन वाट!
हे आमचे ब्रिद असल्याने अधिक आवडले.. :))

अनन्त्_यात्री शुक्रवार, 15/09/2017
पद्मावति, रुपी, सौरा - आपल्या प्रतिसादांबद्दल.

लाल गेंडा शुक्रवार, 15/09/2017
छान . मस्त शार्दूलविक्रीडित का हा अलंकार?

अनन्त्_यात्री शुक्रवार, 15/09/2017
शार्दूलविक्रीडित हा अलंकार नसून ते वृत्त आहे. ' आजीच्या जवळी घड्याळ कसले आहे चमत्कारिक" ही आचार्य अत्र्यांची कविता या वृत्तात आहे. माझे बडबडगीत लयबद्ध आहे (असे वाटते) पण वृत्तबद्ध नाही.

लाल गेंडा शुक्रवार, 15/09/2017
मी मराठीकडे परत येतोय, डोक्यात जरा गोंधळ आहे. त्यामुळे अस घडतंय. मी माझी कविता शार्दूलविक्रीडीत मध्ये लिहायचा प्रयत्न केला म्हणून तेच डोक्यात.

नाखु सोमवार, 18/09/2017
कवीची वृत्ती बघायची, वृत्त शल्यचिकित्सक वाचकांच्या बसकी बात नाही मिपा आद्य चारोळी कार आत्मुदा यांच्या "कवि-काकवी" या समिक्षा ग्रंथातुन साभार