Skip to main content

माह्या मायेचं कारटं

लेखक जव्हेरगंज यांनी मंगळवार, 08/12/2015 22:00 या दिवशी प्रकाशित केले.

माह्या मायेचं कारटं
जाई खळ्यात मळ्यात
गाऊनी अभंग
खेळी शेणात शेणात

माह्या मायेचं कारटं
चाले हसत रुसत
भाळूनी चंद्राला
शोधी आभाळ आभाळ

माह्या मायेचं कारटं
सुटे ऊन्हात रानात
शोधीत पाण्याला
होई छप्पर छप्पर

माह्या मायेचं कारटं
निजे सुखात दु:खात
होऊनी भाकरी
जाई थापत थापत

काव्यरस
शांतरस
लेखनविषय:
वाचने 4322
प्रतिक्रिया 16

प्रतिक्रिया

एस शनिवार, 12/12/2015 10:25

होई छप्पर छप्पर ऐवजी होई सपार सपार असा बदल केला तर अजून ठसेल असे वाटले. (सपार = गोठ्याच्या गवत, काठ्या, वैरण इत्यादी वापरून बनवलेल्या छप्पराला ग्रामीण भाषेत सपार असे म्हणतात.)