Skip to main content

एका प्रेमाची गोष्ट

लेखक विश्वव्यापी यांनी मंगळवार, 01/12/2015 या दिवशी प्रकाशित केले.
विचार तुझा मनी येता , आठवणींच्या उठल्या लाटा, झाल्या जाग्या तरल भावना , उजळल्या पुन्हा विसरल्या वाटा. आठवतो मज दिवस तो पहिला ,जेव्हा आपला परिचय झाला , परिचयाच्या या वाटेवरुनी ,प्रेमाचा अंकुर उमलला. प्रेमाचा अंकुर बहरला ,बहरून शुभमंगल झाला , आठवतो मज अजून सारखा , मिलनाचा तो क्षण पहिला . प्रेमाचा हा तरु मोहरला ,आल्या त्याला नव्या पालव्या , आठवतो अजून दिवस तो मजला , दोनाचा जेव्हा त्रिकोण झाला . सुखी आपला संसार चांगला , नजर लागली , कसा बिघडला ? गेलीस ग तू सोडूनी अर्धा , सुंदर आपला डाव मांडला . तरीही हा चिमणा एकला , पांखारांसाठी जगाला श्रमाला, उडूनी गेली पांखरे आतां ,चिमणा राहिला ग एकला ! विचार तुझा मनी येता , आठवणींच्या उठल्या लाटा, झाल्या जाग्या तरल भावना , उजळल्या पुन्हा विसरल्या वाटा.
लेखनविषय:
वाचने 2021
प्रतिक्रिया 11

प्रतिक्रिया

विश्वव्यापी मंगळवार, 01/12/2015
प्रयत्न करून पहातो. पण माझे शिक्षण इंग्रजी मध्ये झाले असल्या कारणाने मला थोडे मार्गदर्शन करा. तुम्हाला कविता बरी वाटली हे वाचून आनंद झाला. प्रतिसादा बद्दल आभारी आहे. धन्यवाद

पैसा बुधवार, 02/12/2015
अक्षर गणवृत्तांचा अभ्यास आधी करावा लागेल. https://mr.wikipedia.org/wiki/%E0%A4%B5%E0%A5%83%E0%A4%A4%E0%A5%8D%E0%A… त्यानंतर http://www.maayboli.com/node/21889 https://mr.wikibooks.org/wiki/%E0%A4%97%E0%A4%9D%E0%A4%B2%E0%A5%87%E0%A… हे काही वाचून बघा.

विश्वव्यापी बुधवार, 02/12/2015
स्टोरी बोल्ड झालीय
कविता मला नेहमी बोल्ड करायला आवडतात ! काय आहे , वाचायला सोप्या पडतात ना मंग .बोल्ड मंदी :-)

विश्वव्यापी गुरुवार, 03/12/2015
आता कसले क्लीन बोल्ड होणार आम्ही ! इस वर्षापुवीच झालो की . आता फक्त कॉमेंट्री करतो आम्ही :-)