✍ मराठी साहित्य, संस्कृती आणि लेखनाचे व्यासपीठ

एका प्रेमाची गोष्ट

— विश्वव्यापी,
विचार तुझा मनी येता , आठवणींच्या उठल्या लाटा, झाल्या जाग्या तरल भावना , उजळल्या पुन्हा विसरल्या वाटा. आठवतो मज दिवस तो पहिला ,जेव्हा आपला परिचय झाला , परिचयाच्या या वाटेवरुनी ,प्रेमाचा अंकुर उमलला. प्रेमाचा अंकुर बहरला ,बहरून शुभमंगल झाला , आठवतो मज अजून सारखा , मिलनाचा तो क्षण पहिला . प्रेमाचा हा तरु मोहरला ,आल्या त्याला नव्या पालव्या , आठवतो अजून दिवस तो मजला , दोनाचा जेव्हा त्रिकोण झाला . सुखी आपला संसार चांगला , नजर लागली , कसा बिघडला ? गेलीस ग तू सोडूनी अर्धा , सुंदर आपला डाव मांडला . तरीही हा चिमणा एकला , पांखारांसाठी जगाला श्रमाला, उडूनी गेली पांखरे आतां ,चिमणा राहिला ग एकला ! विचार तुझा मनी येता , आठवणींच्या उठल्या लाटा, झाल्या जाग्या तरल भावना , उजळल्या पुन्हा विसरल्या वाटा.
2014 वाचन
💬 प्रतिसाद (11)

विश्वव्यापी
Tue, 12/01/2015 - 20:15 नवीन
प्रयत्न करून पहातो. पण माझे शिक्षण इंग्रजी मध्ये झाले असल्या कारणाने मला थोडे मार्गदर्शन करा. तुम्हाला कविता बरी वाटली हे वाचून आनंद झाला. प्रतिसादा बद्दल आभारी आहे. धन्यवाद
↩ प्रतिसाद: पैसा

पैसा
Wed, 12/02/2015 - 10:21 नवीन
अक्षर गणवृत्तांचा अभ्यास आधी करावा लागेल. https://mr.wikipedia.org/wiki/%E0%A4%B5%E0%A5%83%E0%A4%A4%E0%A5%8D%E0%A4%A4 त्यानंतर http://www.maayboli.com/node/21889 https://mr.wikibooks.org/wiki/%E0%A4%97%E0%A4%9D%E0%A4%B2%E0%A5%87%E0%A4%9A%E0%A5%80_%E0%A4%AC%E0%A4%BE%E0%A4%B0%E0%A4%BE%E0%A4%96%E0%A4%A1%E0%A5%80 हे काही वाचून बघा.
↩ प्रतिसाद: विश्वव्यापी