मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

उद्दाम

विशाल कुलकर्णी · · जे न देखे रवी...
लेखनविषय:
गझल
काव्यरस
मराठी गझल
ना गावही तो राहिला ठाम पहिल्यासारखा ना काळही भासे अता उद्दाम पहिल्यासारखा त्या वादळाला सांग ना थांबायला आता जरा प्रगतीस नाही वेग तो बेफाम पहिल्यासारखा आता पुन्हा मिरवेन मी बुरखा जुना, समजा जुन्या नाही जमाना राहिला बदनाम पहिल्यासारखा झालो अता बघ मोकळा वागायला मजसारखा ना राहिलो माझ्यात मी सुतराम पहिल्यासारखा जगलोच जेत्या सारखा मृत्यूसही ललकारतो भोगावया तय्यार मी परिणाम पहिल्यासारखा विशाल
वाचने 4095 वाचनखूण प्रतिक्रिया 18

एस Sat, 11/14/2015 - 08:54
आता पुन्हा मिरवेन मी बुरखा जुना, समजा जुन्या
ही ओळ शेवटच्या 'जुन्या' शब्दामुळे समजली नाही. तुम्हांला 'जुना' असे म्हणायचे होते का?

शिव कन्या Sat, 11/14/2015 - 09:17
'समज' म्हटले असते तर 'जुने' घ्यावे लागले असते, ते फिटिंगला नै बसत. 'समज'चे अनेकवचन 'समजा' घेतले तर 'जुने' चालत नाही, फिटिंगला बसत नै. म्हणून 'जुन्या'..... असा काव्यकूट असावा. बाकी रचना सुरेख.

विशाल कुलकर्णी Sat, 11/14/2015 - 10:52
धन्यवाद एस. मला असे वाटतेय की 'समजा' हां शब्द तुम्ही "बुरखा जुना आहे असे समजा" या अर्थाने घेताहात. त्या अर्थी जर घेतला तर तिथे 'जुना' हां शब्द चपखल बसेल. परंतु हे दोन्ही वेगवेगळी उदाहरणे आहेत. बुरखा आणि खालील प्रतिसादात शिव कन्या यांनी स्पष्ट केल्याप्रमाणे 'समज'चे अनेक वचन म्हणून 'समजा'. असे आहे, त्यामुळे "जुन्या समजा", जैसे जुन्या गोष्टी, जुन्या वह्या, जुन्या कल्पना.

वेल्लाभट Mon, 11/16/2015 - 11:18
एक समज (ती समज; तो समज नव्हे) अनेक समजा (स्त्रीलिंगी म्हणून समजा; अन्यथा अनेक समज (ते) असंही होतं.) ती समज जुनी त्या समजा जुन्या. अर्थाने तो समज असं अभिप्रेत आहे कवीला, माझ्या मते. पण कवीचा अधिकार म्हणून इथे त्या समजा असं म्हटलंय असं मानलं तरी हरकत नाही असं वाटतं. इट फिट्स इन वेल. सुरेख ग़ज़ल.