पाऊस | मिसळपाव

आज पहाटे लाजत मुरकत, बरसून गेला पाउस नवथर तहानलेल्या धरतीला या स्पर्शून गेली एक खुळी सर मातीवरती हलकी नक्षी, पानांवरती रंग ओलसर मिटलेल्या पंखात अजूनही नाजूक ओली हळवी थरथर पागोळ्यांचे पैंजण छुन छुन, टपटपणार्‍या ओल्या वेली हिरवाईची खूण जागवीत पाऊस येई सोनपावली मेघ अजूनही विस्कटलेले, चंद्रकोर ही ओली अजुनी अन्कुरातले स्वप्न फुलविते हसरी गंधित मोहक अवनी

लेखनविषय:	कविता

वाचने 2278

प्रतिक्रिया 15

प्रतिक्रिया

छान

मिसळलेला काव्यप्रेमी सोमवार, 15/07/2013 16:01

पागोळ्यांचे पैंजण छुन छुन ,टपटपणार्‍या ओल्या वेली हिरवाईची खूण जागवीत पाऊस येई सोनपावली

या ओळी आवडल्या. पुलेशु.

येलकम अगेन. लै दिवसानी

विजुभाऊ सोमवार, 15/07/2013 16:05

येलकम अगेन. लै दिवसानी अवतरलात फुलवा बै. कविता मस्त आहे. सातार्‍याचा पाऊस बराच मिस करतोय

मस्त!

पैसा सोमवार, 15/07/2013 16:06

कविता आवडली.

अनुभूती

आतिवास सोमवार, 15/07/2013 16:13

वा!आत्ता इथं पाऊस नसतानाही पावसाची अनुभूती देणारे शब्द :-)

मस्त

गोरा सौमित्र सोमवार, 15/07/2013 16:13

मेघ अजूनही विस्कटलेले, चंद्रकोर ही ओली अजुनी अन्कुरातले स्वप्न फुलविते हसरी गंधित मोहक अवनी ओळी आवडल्या.

सुरेख लिहिलेस फुलवा.

यशोधरा सोमवार, 15/07/2013 18:01

सुरेख लिहिलेस फुलवा.

छान!

अत्रुप्त आत्मा सोमवार, 15/07/2013 19:28

छान!

सुंदर...

प्रा.डॉ.दिलीप बिरुटे मंगळवार, 16/07/2013 07:07

अतिशय सुंदर कविता. विशेष काय आवडलं, असं विचाराल तर म्हणेन- ''आज पहाटे लाजत मुरकत, बरसून गेला पाउस नवथर'' मिटलेल्या पंखात अजूनही नाजूक ओली हळवी थरथर आणि ''पागोळ्यांचे पैंजण छुन छुन, टपटपणार्‍या ओल्या वेली हिरवाईची खूण जागवीत पाऊस येई सोनपावली'' किती सुंदर.....! -दिलीप बिरुटे