Skip to main content

बाळूचे स्वप्न - (बाल कविता)

लेखक विदेश यांनी सोमवार, 08/07/2013 21:08 या दिवशी प्रकाशित केले.

सशाने धरले सिँहाचे कान
गरगर फिरवून मोडली मान ।

शेळीने घेतला लांडग्याचा चावा
लांडगा ओरडला-धावा धावा ।

मुंगीची ऐकून डरकाळी कानात
हत्ती घाबरून पळाला रानात ।

कासवाने लावली हरणाशी शर्यत
हरीण दमले धापा टाकत ।

उंदराने बोक्याच्या पकडून मिशा
काढायला लावल्या दहा उठाबशा ।

बाळूने मोजले दोन सात चार
स्वप्नात बाळू मोजून बेजार !

'

काव्यरस
बालसाहित्य
लेखनविषय:
वाचने 2838
प्रतिक्रिया 4

प्रतिक्रिया

गंगाधर मुटे मंगळवार, 09/07/2013 12:47

एकदम चांगली विनोदी कविता.
(पण प्राण्यांचा स्वभावविशेषगूण समजले आहे, एवढे वय असणार्‍यांनाच ही कविता कळू शकेल आणि आनंद घेता येईल.)