Skip to main content

सखे ...

लेखक प्रसाद गोडबोले यांनी शुक्रवार, 18/01/2013 या दिवशी प्रकाशित केले.
वळणांवळणांवरती सखे तव आठवणींची भरती सखे कसे विस्मरू सांग तुला मी हे श्वास श्वास तुज स्मरती सखे | पाऊस हा घनगर्द सखे अन् तुझ्या मिठीचा गंध सखे कसा सुटावा असा रेशमी तव बाहुंचा बंध सखे रक्तवर्णित तव लज्जित चर्या श्वासा श्वासांवरि भीति सखे अनामिकशा त्या ओढीने रोमांचित तव कांती सखे चिंब चिंब ही तुझी कुंतले चेहर्‍यावरी मम रुळती सखे थेंब थेंब हा तुला स्पर्षता न कळत होई मोती सखे थरथरत्या तव अधरांची मग पडे घट्ट ती मिठी सखे असे गुंतलो एकामेकीं जणु जन्मांतरीची भेटी सखे श्रावणातल्या सायंकाळी मला गवसले मीच सखे विरुन गेले तुझ्यात अलगद सायुज्यता का हीच सखे ही भोगाची उर्मी म्हणु की तल्लीनतेची समाधी सखे की त्याच्याही पलकडली, मी राधा , तु घनश्याम सखे ------------------------------------------ नाहीस जरी तू इथे सोबती नाहीस जरी तू माझी सखे माझे माझे कशा म्हणु मी माझी "मी" च तुझी सखे !!
काव्यरस
शृंगार
लेखनविषय:
वाचने 7765
प्रतिक्रिया 29

प्रतिक्रिया

मिसळलेला काव्यप्रेमी शुक्रवार, 18/01/2013
अप्रतिम रचना... ___/\___

शैलेन्द्र शुक्रवार, 18/01/2013
कविता छानच आहे पण,
थरथरत्या तव अधरांची मग पडे घट्ट ती मिठी सखे असे गुंतलो एकामेकीं जणु जन्मांतरीची भेटी सखे श्रावणातल्या सायंकाळी मला गवसले मीच सखे विरुन गेले तुझ्यात अलगद सायुज्यता का हीच सखे
या ओळींचा कीस पडणार बघा..

संजय क्षीरसागर सोमवार, 21/01/2013
सखा सखीला म्हणतोय अशी सुरूवात आहे (१ ते ५ कडवी) मग सखी सखीला म्हणतीये (६ आणि ७) पण अंडरलाईन नंतर फुल बाऊंसर आहे. मिका बहुदा सांगू शकेल

प्रसाद गोडबोले सोमवार, 21/01/2013
सखा सखीला म्हणतोय अशी सुरूवात आहे (१ ते ५ कडवी) >> हे नक्की कोणत्या कडव्यात जाणवलय ? काही गैरसम होत असल्यास क्षमस्व ! कविता पहिल्या पासुन शेवट पर्यंत एक सखी दुसर्‍या सखीला म्हणत आहे :)

संजय क्षीरसागर सोमवार, 21/01/2013
पाऊस हा घनगर्द सखे अन् तुझ्या मिठीचा गंध सखे कसा सुटावा असा रेशमी तव बाहुंचा बंध सखे
आणि
थरथरत्या तव अधरांची मग पडे घट्ट ती मिठी सखे असे गुंतलो एकामेकीं जणु जन्मांतरीची भेटी सखे
हे नॉर्मली `सखा आणि सखीत होतं' असा समज आहे

धन्या मंगळवार, 22/01/2013
हे नॉर्मली `सखा आणि सखीत होतं' असा समज आहे
तुम्हाला नॉर्मलीच्या ऐवजी जनरली असं म्हणायचं आहे का? कारण जे काही होतं ते अ‍ॅबनॉर्मल नसतं असं म्हणतात. ;)

कवितानागेश मंगळवार, 22/01/2013
general: involving, relating to, or applicable to every member of a class, kind, or group Normal: Normal is also used to describe when someone's behaviour conforms to the most common behaviour in society (known as conforming to the norm). Definitions of normality vary by person, time, place, and situation – it changes along with changing societal standards and norms.

मनीषा सोमवार, 21/01/2013
कविता सुरेख आहे.. परंतु पाचव्या कडव्यानंतर तिने वेगळेच वळण घेतले आहे. कवयित्रीला तसेच अभिप्रेत असेल तर ही भलतीच 'नव*' कविता आहे. * - पचण्यास अंम्मळ कठिण =)

प्रसाद गोडबोले सोमवार, 21/01/2013
पचण्यास अंम्मळ कठिण >> ह्म्म ... कल्पना होती ह्या बद्दल .... पण ओरियंटेशन ने प्रेमाला फरक पडत नसावा माझ्या मते ...प्रेम प्रेम असतं ...कोणी का करत असेना ! असो. अवांतर :हा सखीचा स्वयं संवाद आहे असाही अर्थ लावता येईल ...पचण्यास सोप्पा :) सर्व प्रतिसादकांचे आभार !

शैलेन्द्र सोमवार, 21/01/2013
ह्म्म ... कल्पना होती ह्या बद्दल .... पण ओरियंटेशन ने प्रेमाला फरक पडत नसावा माझ्या मते ...प्रेम प्रेम असतं ...कोणी का करत असेना !
तुम्ही मुद्दामच तस लिहील असेल तर ठीकच आहे.. कविता छान आहे, बाकी गोष्टींना पास्स !!

संजय क्षीरसागर सोमवार, 21/01/2013
नाही हो फार फरक पडतो!
अवांतर :हा सखीचा स्वयं संवाद आहे असाही अर्थ लावता येईल
तुम्ही असं अधांतरी ठेवू नका. एकदा का लोक अर्थ लावायला लागले की काही खरं नाही!

धन्या मंगळवार, 22/01/2013
हा सखीचा स्वयं संवाद आहे असाही अर्थ लावता येईल
आधी आपल्याला हवा तो अर्थ समोर ठेवून लिहायचं आणि कुणी चौकशा केल्या की "असाही अर्थ लावता येईल" म्हणायचं. :) बाकी मराठीतील ही बहुधा पहिली "ती"न सात सात कविता असावी.

मनीषा सोमवार, 21/01/2013
:हा सखीचा स्वयं संवाद आहे असाही अर्थ लावता येईल ...पचण्यास सोप्पा
नाही हो, तसा अर्थ लावता येत नाहीये.

शैलेन्द्र मंगळवार, 22/01/2013
कविता वाचनाची ही पद्धत आवडली, आम्ही मराठीच्या पेपराला कवितेखालचे उतार्‍याखालचे प्रश्न असेच सोडवायचो..

संजय क्षीरसागर मंगळवार, 22/01/2013
किपिटप . कविता वाचल्यावर अप्रतिम वाटली. ....आधी प्रतिसाद वाचुन मग!!!

इन्दुसुता मंगळवार, 22/01/2013
कविता आवडली. गिरिजा स्वत: म्हणतातच, मलाही कुठेच सखा आणि सखी या दोघांमधील संवाद वाटला नाही.
हा सखीचा स्वयं संवाद आहे >> असेच मला वाटले, पण दोन सख्यांमधील संवाद देखील पूर्ण पटण्यासारखा आहे.