मराठी साहित्य, संस्कृती आणि लेखनाचे व्यासपीठ

टपटप टपोरे

अरुण मनोहर · · जे न देखे रवी...
लेखनविषय:
Taxonomy upgrade extras
लय- टपटप टपो~~~रे चमचम चंदे~~~रे टपटप टपोरे चमचम चंदेरे पडपड पावसारे
पोरे नाचतात
सळसळ वारा थडथड गारा सटसट मारा
पळाली घरात
सरासरा जाऊन गारागारा वेचून भराभरा चावून
फेकल्या मस्तीत
भिरभिर भिंगोर्‍या फिरफिर सार्‍या भिजभीज पोर्‍या
रमल्या खेळात
पळपळ हुंदाडले पळभर विसावले वासरू उनाडले
कानशिरल्या वार्‍यात
गडगड थंडावली झडझड मंदावली पोरेसोरे परतली
भुकेल्या जोमात
दरवळ भाताचा कळवळ मायेचा उबेत आयेच्या
लाडल्या पोरांस

वाचने 3109 वाचनखूण प्रतिक्रिया 6

In reply to by अरुण मनोहर

फटू Sun, 06/15/2008 - 08:29
असं काही नाही... तुम्ही चुकीच्या वेळी तुमची कविता प्रकाशीत केलीत. शनिवार आणि रविवारी सारेजण आपापल्या घरी असतात. आणि खुप कमी जण या दोन दिवशी संगणकाला हात लावतात (अपवाद : आमच्यासारखे भारताबाहेर काम करणारे रिकाम** संगणक अभियंते... ) इन फॅक्ट, या दोन दिवसांमध्ये हजर सभासद आणि पाहूण्यांची संख्या बरेच वेळा एका हाताच्या बोटावर मोजण्याइतकी असते... त्यामुळे आसा काय इचार नाय करनेका... अगर तुम श्याटरडे संडे को कुच लिवते हो तो उसको मंडे को छापनेका... :D बाकी कविता छान आहे तुमची... आपलाच, सतीश गावडे आम्ही इथेही उजेड पाडतो -> मी शोधतो किनारा...

पक्या Sun, 06/15/2008 - 12:26
>>च्यायला! पब्लीक पावसानं पकली वाटतं! नाही हो अरूण काका, मस्त आहे कविता. नादमय आहे. आवडली. वाचनखूंण म्हणून साठवली आहे. एखाद्या छान बालकवितेसारखी वाटतीये. लहान मुलांना त्यातील नादामुळे नक्कीच आवडेल आणि समजायला पण सोप्पी. वीक एन्ड मुळे प्रतिसाद द्यायचा राहून गेला.

शितल Sun, 06/15/2008 - 17:51
कविता छान, वाचताना उलगत डुलायला होते. मस्त चाल लागेल ह्या कवितेला.