Skip to main content

त्याला ती हवीये...

लेखक पिलीयन रायडर यांनी सोमवार, 19/03/2012 17:38 या दिवशी प्रकाशित केले.
स्त्री कशीही असली तरी शेवटी पुरुषांना काय हवं असतं... बायकोच्या हातचा डबा.. ऑफिस मध्ये मिरवायला.. तिचा मउसुत हात.. केसातुन फिरवायला... तिची लांबसडक बोटं...मस्त तेल जिरवायला.. तिचे नाजुक ओठ.. गालावर फिरवायला.. आईची उबदार कुस.. सगळी दु:ख हरवायला.. तिचा मायेचा हात.. वरण भात भरवायला.. तिचा प्रेमळ धाक.. बाराखडी गिरवायला... तिच्या नावची शपथ.. जगालाही हरवायला.. त्याला बहीण हवी..हट्ट पुरवायला.. त्याला मुलगी हवी..जाताना रडवायला... त्याला ती हवीये... माधुर्य टिकवायला... तिला तो हवाय.. गोडी वाढ्वायला... खुप भांडण चालु आहेत.. चालु रहातील.. पण त्या निमित्ताने स्त्री-पुरुषाच्या नात्यातले सुंदर कंगोरे पण टिपावे वाटले...
काव्यरस
शांतरस
लेखनविषय:
वाचने 7743
प्रतिक्रिया 39

प्रतिक्रिया

निश सोमवार, 19/03/2012 17:44
मस्त मस्त मस्त पिलीयन रायडर साहेब आईची उबदार कुस.. सगळी दु:ख हरवायला.. तिचा मायेचा हात.. वरण भात भरवायला.. तिचा प्रेमळ धाक.. बाराखडी गिरवायला... तिच्या नावची शपथ.. जगालाही हरवायला.. हे तुमच कडव अप्रतिम अप्रतिम अप्रतिम........ त्याला मुलगी हवी..जाताना रडवायला हि ओळ निव्वळ लाजवाब लाजवाब लाजवाब...

निश सोमवार, 19/03/2012 18:06
पिलीयन रायडर म्याडम, खरच माफि असावि. पण कविता एकदम मस्त

सुधीर१३७ सोमवार, 19/03/2012 21:00
माफीची गरज नाय.................... 'साहेब'च्या मागे "बाई" लावा............. .................... हा. का. ना. का.

डॉ सुहास म्हात्रे शुक्रवार, 04/04/2014 17:54
'साहेब'च्या मागे "बाई" लावा............. की बाई मागे साहेब लावून "बाईसाहेब" करा? :)

वपाडाव सोमवार, 19/03/2012 17:55
मस्त मस्त मस्त पिलीयन रायडर साहेब
या सायेब न्हवं सायबीन बै हात... बाकी :: मस्त जमलीये कविता...

आत्मशून्य सोमवार, 19/03/2012 18:03
खुप भांडण चालु आहेत.. चालु रहातील.. पण त्या निमित्ताने स्त्री-पुरुषाच्या नात्यातले सुंदर कंगोरे पण टिपावे वाटले...
कूल.

किचेन सोमवार, 19/03/2012 21:06
चला म्हन्जे पुरुष थोडे का होइना चंगले असतात. ;) त्याला ती हवी असते, या ना त्या कारणासाठि मतितार्थ : पुरुष स्वार्थी असतो

पिलीयन रायडर मंगळवार, 20/03/2012 14:48
मतितार्थ : पुरुष स्वार्थी असतो
एकेकाचा द्रुष्टिकोन.. समज.. आवाका... अनुभव...

चौकटराजा मंगळवार, 20/03/2012 09:09
स्वाक्शरी तून वयावा पत्ता लागत नाही पण आय डी वरून ंमंगोलियन असावी असे वाटते. कारण नावात ब्रूस ली, जेट ली आणि माउ त्से तुंग दिसतात .

स्मिता. मंगळवार, 20/03/2012 16:30
ही कविता त्या धाग्यावरही आवडली होतीच. शेवटचं कडवं सगळ्यात छान :)

श्रीरंग_जोशी शुक्रवार, 31/07/2015 21:36
तुमच्या प्रश्नाचे उत्तर शेवटच्या वाक्यात अगदी थोडक्यात दिले आहे असे वाटते. कविता भावली.

पद्मावति शुक्रवार, 31/07/2015 21:56
पुरुषाच्या आयुष्यातल्या या सर्वात महत्वाच्या स्त्रिया. त्याची आई, बायको, बहीण आणि मुलगी.
तिच्या नावची शपथ.. जगालाही हरवायला..
...वाह...

नाखु शनिवार, 01/08/2015 11:55
दोघे एक्मेकांसार्खे नाहीतच (किंबहुना नसावेत अशी निसर्गानेच तरतूद केलीय ) पण एक्मेकांसाठी नक्कीच आहेत, दोघांचेही आयुष्य आणखी सुंदर्/सुखावह करण्यासाठी (ती ही तरतूद निसर्गानेच केलीय, भावबंधातून जोपासायची खुलवायची इतकेच करायचे दोघांनीही) पुलेशु ! स्त्रीमुक्ती आणि मुक्त स्त्री यातला नेमका फरक माहीत असलेला नाखु

प्रभाकर पेठकर शनिवार, 01/08/2015 12:34
'ती' आणि 'तो' दोघांनाही एकमेकांची मानसिक, भावनिक गरज असतेच असते. एकमेकांविना एकमेकांचे आयुष्य अधुरे असते. कविता सुंदर आहे. आवडली.

प्रियाजी रविवार, 13/09/2015 16:55
पि.रा. खूप छान कविता. थोड्क्या शब्दात किती मोठा आशय. अजून अशाच छान कविता लिही अन ईथे चिटकव.

ज्योति अळवणी रविवार, 13/09/2015 17:57
कविता खूप आवडली. खरच पुरुषाला स्त्री ची आणि स्त्रीला पुरुषाची गरज असतेच.... अनादी पासून अनंतापर्यंत!