Skip to main content

कां?

लेखक मिसळलेला काव्यप्रेमी यांनी सोमवार, 28/02/2011 या दिवशी प्रकाशित केले.
मी संतान त्या अनादी अभोगी निर्मात्याचे कां असावे भय मजला कुणा भोगी मानवाचे ? मी चालतो धरुन कास सदा सत्याची कां बाळगावी भिड कुणा चित्रगुप्ताची ? मी प्रवासी त्या लखलखत्या मद्ध्यांनीचा कां असावा छंद मजला काळोख्या रात्रीचा ? जर आहे लक्ष माझे शिखर त्या हिमगीरीचे कां ओढीसी दु:ख मजला या ओसाड माळरानीचे ? जन्मजन्मांतरीचा दास त्या अनादी अनंताचा कां छळावा श्रावण मजला माझ्या गतजन्माचा ? आधार मज असे जगनियंत्याच्या शाश्वत वचनाचा कां असावा अविश्वास अंतरी या अफाट विश्वपसार्‍याचा ? |- मिसळलेला काव्यप्रेमी -| (२०/१०/२०१०)
लेखनविषय:
वाचने 1670
प्रतिक्रिया 8

प्रतिक्रिया

टारझन सोमवार, 28/02/2011
मी संतान त्या अनादी अभोगी निर्मात्याचे कां असावे भय मजला कुणा भोगी मानवाचे ?
पहिलाच लायनीत झोल आहे ... आता निर्माता "अभोगी" असेल तर निर्माती ऊप्स .. निर्मिती कशी होणार ? असो , कवीता एका वेगळ्याच "अंगाने" जाते आहे असे वाटले :) - राजपाटील राजा (और राजा को प्रजा धोका नही दे सकती)

प्रकाश१११ सोमवार, 28/02/2011
परीकथेतील राजा - जर आहे लक्ष माझे शिखर त्या हिमगीरीचे कां ओढीसी दु:ख मजला या ओसाड माळरानीचे ? छान लिहिले आहे .पु.ले.शु.

गणेशा मंगळवार, 01/03/2011
कविता खुपच छान ... विशेषत: मी प्रवासी त्या लखलखत्या मद्ध्यांनीचा कां असावा छंद मजला काळोख्या रात्रीचा ? जर आहे लक्ष माझे शिखर त्या हिमगीरीचे कां ओढीसी दु:ख मजला या ओसाड माळरानीचे ?

निनाव बुधवार, 02/03/2011
सुंदर रचना. लय अपोआप लागते वाचतांना. शब्द निवड खूपच सुंदर आहे. -पु. ले. शु.

मिसळलेला काव्यप्रेमी शुक्रवार, 04/03/2011
सर्वांचे धन्यु