कोंढाणा

आपल्या लेकाच्या - रायबाच्या लग्नाचे आवतण अर्थात् आमंत्रण द्यायला आलेल्या तानाजीला जिजाऊंच्या मनातील सल ऐकून रहावले नाही आणि आवतण द्यायच्या ऐवजी तो जिजाऊंचे हे आवतण स्वीकारून कोढाणा केवळ चारशे मावळे आणि भाऊ सूर्याजी यांच्यासह जिंकून मृत्यूला सामोरा गेला ! - शिल्प - अकलूज येथील भावी "शिवसॄष्टी" - कविता माझी ! मी बघता उचलू नजर पाहते "हिरवा" हा कोंढाणा ! करी ताठ अता हा कणा बोलली जिजाऊ काढून फणा ! ऐकताच पिळुनी मिशा गर्जला नादवीत दिशा "मी आलो होतो आवतणाला लगीन ह्या "राया"चे स्वीकरले म्यां तुमचे आवतण घेऊन दर्सन या पायांचे !" झुंजला मर्द घेऊन चारशे मावळे - ताना वाघ ढाणा छाटून उदयभानूस , जिंकला मध्यरातीस गड कोंढाणा ! दिसणार कंदीबी न्हाई आऊ झेंडा तुमाला "हिरवा" म्यां निंगालो म्होरं , शिवबा, रायाची वरात पर् तुमी फिरवा !