हातचा =============== . . हाती अर्धाच प्याला, म्हणता सौख्य कळेना.. अवीट जीवन गोडवा, मग जिभेवरी रुळेना.. . स्वीकार मीच न केला, माझ्या अपूर्णतेचा.. आसवांच्या अंध धारा, राहिल्या देत ठेचा.. . हाती अर्धाच प्याला, जो तो बघे रिकामा.. धडपडा जीव "वेडा", हताश नि निकामा.. . जन्म आशा निराशा, मन आंदोल साहवेना.. हातचा आधार विसरता, जीवनी संघर्ष चुकेना.. . हाती अर्धाच प्याला, म्हणता सौख्य कळेना.. हा सोहळा असण्याचा, हृदयांतरी खुलेना..! . बेरजेत मोजावयाचा, हातचा राहून गेला.. जोडून त्यास घेता, गोषवारा नवाच आला.. . हाती अर्धा (च) प्याला, कोट कोट सुखाचा...! हाती अर्धा (च) प्याला, काठो-काठ सुखाचा...! . . =============== स्वाती फडणीस... २१०११०