तुझ्या रेशमी केसांनी : एक सुडंबन विजुभाऊंनी विघडवलेलं सुघडवण्याचा माझा प्रयत्न. मूळ विडंबनाशी एकनिष्ठ राहाण्यासाठी यमक, वृत्त, कवितेचा स्वर व बरेचसे शब्द तेच ठेवलेले आहेत. एक कडवं वाढवलेलं आहे, पण मूळ विडंबनकार मला त्याबद्दल क्षमा करतील अशी आशा करतो. तुझ्या रेशमी केसांनी काय जादूटोणा केला मंत्ररेषांमध्ये काळ्या जीव वेडापिसा झाला का या करून गमजा काय सांगावे मनाला भेटीमध्येच पहिल्या ठाव नाही राही त्याला सोडला हा नाद झाले, नाही झेपणार मला माझी झेप वीतभर तुझा कोसाचा ग पल्ला तरी मी का झालो खुळा का ग आठवले तुला तुझ्या स्वप्नवेळेसाठी साद घातली रात्रीला कळायला सारे काही खूप उशीर जाहला जादू मंत्रांची राहिली पीळ काळा तो जळाला गेल्या झिजून झडून माझ्या रेषा हातातल्या प्रियकरा हाती तुझ्या हात तुझा मी पाहिला