|| श्री गणपाय प्रसन्न: || साहित्य: १. ५०-६० मोठ्ठ्या कोलंबी २. १.५ चमचा जिरा पाउडर ३. १.५ चमचा कोथिंबीर पाउडर ४. २.५ चमचा गरम मसाला. ५. एक मोठ्ठा कांदा ६. एक मोठ्ठा टोमॅटो ७. एक मिर्ची. ८. हळद, मोहरी ई ९. एक लिम्बू कृती: १. एका भांड्यात कोलंबी ठेवून त्यावर जिरा, कोथिंबीर पाउडर टाकून अख्खे लिंबू पिळून घ्या. हे मिश्रण चांगले मिक्स करून दोन ते तीन तास मूरत ठेवा. २. कोलंबी मुरेपर्यंत कांदा, टोमॅटो आणि मिरची बारीक कापून घ्या. ३. एका मोठ्ठ्या जड बूडाच्या भांड्यात थोडे तेल तापवा.

नमस्कार मंडळी थोड्याश्या विश्रांती नंतर पुन्हा तुमच्या सेवेसी हजर आहे. आज मी आपल्यासाठी खास वसई-विरार आणि आमच्या गावाकडला पेश्शल पदार्थ घेउन आलोय. भुजिंग. वसई ते डहाणु पट्ट्यातला भुजिंग न चाखलेला खवय्या विरळाच असावा. निखार्‍यावर पदार्थ भाजण्याच्या प्रक्रियेला आमच्या वाढवळ भाषेत भुजणे म्हणतात. आणि या भुजण्याला इंग्रजीची (.....ing) जोड देउन जी क्रिया होते ते हे भुजिंग. थोडक्यात मराठीतच सांगायच झाल तर बार्बेक्यु. माझ्या गावा जवळच मुंबई अहमदाबाद महामार्गावर (चारोटी नाक्याच्या थोडस पुढे) आई महालक्ष्मीच मोठ्ठ आणि प्रसिद्ध मंदिर आहे. दर वर्षी हनुमान जयंतीला इथे १५ दिवस आईची यात्रा भरते.