पाकिस्तानातून शांतिसंदेश घेऊन आलेले लोकोत्तर पुरुष जनाब अजमल कसाब ह्यांची बिर्याणी नुकतीच बंद झाल्याचे दु:खद वृत्त कळले. http://maharashtratimes.indiatimes.com/articleshow/13343396.cms आपल्या जनजागृतीच्या प्रयत्नाला अनवधानाने किंचित हिंसक स्वरुप लाभून त्यात किरकोळ लोकांची हानी झाली त्याबद्दल ह्या महात्म्याला मृत्युदंड झाला म्हणून ह्या देशाचे शांतिप्रिय पिते स्वर्गात तळमळले असतील ह्यात शंका नाही. पण सरकारने आपल्या परीने ह्या क्रूर शिक्षेला पुढे ढकलून आपले शांतिपूर्ण हेतू सिद्ध केले आहेतच.

"सत्यमेव जयते" या आमीर खानच्या मालीकेवरून टिका करणार्‍यांचा एक मुद्दा हा त्या मालीकेतून होणार्‍या उत्पन्नाविषयी आहे. अंदाजे तीन कोटींची मालीका तयार करून आमीर केवळ पैसे मिळवतोय आणि दुसरीकडे जनजागृती/लोकशिक्षण/सामाजीक प्रश्नांस वाचा फोडणे, जे काही असेल त्याचा नुसता देखावा करत आहे... मला तसे वाटत नाही हे त्या चर्चांमधून सांगून झाले आहेच तसेच इतरांचे पण या मालीकेसंदर्भात आणि आमीरसंदर्भात समान अथवा विरोधी विचार समजले आहेत. त्यामुळे ह्या चर्चेचा विषय कृपया आमीर कस्सा चांगला आहे अथवा किती चालू आहे या विषयी नसावा. त्याच्याशी आपले कुठल्याच अर्थाने देणेघेणे नाही... त्यावर चर्चा नको.