एक दगड दाराआडून बघतो आहे मिपाबाहेर किती बाहेर? वास्तविकतेच्या बाहेर, भावनांच्यावर स्वार जिथे एक कवयत्री बसली आहे स्तब्ध.... करत तरी असेल का तो क्षणभर तिचा विचार ? जात असेल का हो तोही विडंबनाच्या बाहेर, ट्रोलीकतेच्या पलीकडे? का टाळ कुटातून तो बाहेरच येऊ शकत नाही... अशा बेइमान उजेडात मग कवयत्री तिच्या जिंदगाणीचा अनुवाद वात करून पाठवते, अंधारात दगड शांतपणे जागा राहतो.... कारण त्याला आजकाल पाझरायलाच होत नाही, हळूहळू आपण डोकी गहाण ठेवणारा ठोंब्या कसा झालो,हे त्याचं त्याला कळत नाही; विझणारी ती मुलगी मात्र वात नसलेल्या कंदिलाआडून बघत राहते... बघतच राहते....

कुबट वास दाराआडुन पडतो आहे बाहेर किती बाहेर? यत्र तत्र सर्वत्र , नाकाच्या आर पार नाकातले केस जळून जात आहेत , जळत आहेत किती वेळ ? पोटातले ढवळतंय, येतेय बाहेर, कोण आहे तिथे आत कुणी तरी एक बसला आहे स्तब्ध.... करत असेल का तो ही त्या भयानक वासाचा विचार? जळत असतील का त्याचेही नाकातले केस दरवाज्याबाहेर , दरवाज्याच्या पलीकडे? कुणी उभाही राहू शकत नाही , त्या वासाशिवाय ... मग मी माझे नाक घट्ट दाबून , आलेली कळही दाबून , डोळे आणि डोळ्यात जीव आणि पाणी घेऊन शांतपणे उभा राहतो.... वासाला चैत्र पालवी फुटलेली असते नाक नसलेल्या दाराआडून बहरत राहते... बहरतच राहते....

Amachee preraNA एक कुत्रा दाराआडुन बघतो आहे बाहेर किती बाहेर? स्वतःच्या बाहेर , कुंपणाच्या पार तिथे एक मांजर बसली आहे स्तब्ध, करत असेल ती कसला विचार? सकाळी चोरुन प्यायलेल्या दुधाचा, पाठीत बसलेल्या रट्ट्याचा, की रात्री भेटलेल्या बोक्याचा? साखळी बांधलेला कुत्रा बाहेर येउ शकत नाही मग तो अस्वस्थपणे भुंकुन त्याचे अस्तित्व बाहेर कळवतो ते ऐकुनही मांजर शांतपणे बसुन राहते, डोळे मिटुन बसुनच राहते

एक आंटी दाराआडून बघते आहे बाहेर किती बाहेर? फोटोरुमच्या बाहेर, एडिटिंग्च्या टेब्लावर जिथे एक मुलगा बसला आहे एडिटिंग करत.... करत असेल का तो खरेच एडिटिंग ? की पहात असेल तो हिडन कॅमेराचे लाईव्ह फीड, लपवलेल्या टॅबमागे? आंटी दाराआडून बाहेर येऊ शकत नाही... मग ती त्यालाच बोलावते फोटो रुम मध्ये, ते डोळे डोळ्यात भरुन घेऊन मुलगा खाडकन जागा होतो .... भान हरवलेली आंटी निसरड्या रस्त्यावरुन घसरत रहाते एकेक पाऊल... घसरतच राहते.... -"जिंदा दिल"(चा एक फॅन )

- वैजू वहिनी माहीत नसलेल्यांनी पोगो पहा =))))

पेरणा एक मुलगा दाराआडून चोरून चोरून बघतो आहे बाहेर किती बाहेर? बाथरुमच्या बाहेर, खोलीमधे जिथे त्याची मैत्रीण बसली आहे मोबाईल वर गेम खेळत त्याचीच वाट बघत, करत असेल का ती ही तिकडून जाण्याचा विचार? समजले असेल का तिलाही तो चोरून तिच्या कडे बघतो आहे, तिच्या जाण्याची वाट बघत ? मुलगा दाराआडून बाहेर येऊ शकत नाही... कारण तो टॉवेल आणि कपडे खोलीत विसरला आहे, ते नेमके त्या मुलीच्याच शेजारी पडलेले आहेत, मुलगी मात्र गुंग होऊन मोबाईल मधे बघत असते.... टॉवेल विसरलेला मुलगा बाथरुमच्या दाराआडून बघत राहतो... हताशपणे वाट बघतच राहत

एक मुलगी दाराआडून बघते आहे बाहेर किती बाहेर? स्वत:च्या बाहेर, समुद्राच्या पार जिथे एक मुलगा बसला आहे स्तब्ध.... करत असेल का तो ही तिचा विचार? जात असेल का तो ही स्वत:च्या बाहेर, समुद्राच्या पलीकडे? मुलगी दाराआडून बाहेर येऊ शकत नाही... मग ती तिचे संपूर्ण डोळे पाठवते, ते डोळे डोळ्यात घेऊन मुलगा शांतपणे जागा राहतो.... डोळे हरवलेली मुलगी घर नसलेल्या दाराआडून बघत राहते... बघतच राहते.... -शिवकन्या

कितीक नवस देवासी बोलती भजती पूजती मनोभावे वाहणारी नदी देव कितीकांची पालक प्राणांची कितीकांच्या उगम डोंगरी अंत सागराशी वाहे दूर देशी असहाय्य? करी कुणी एक त्यात मासेमारी वाळू चोरी करी कुणी एक कुणी तीत करी सुखे जलक्रीडा आणि कुणा पीडा बुडोनिया तितूनच होई विजेची निर्मिती नासाडी पुरती पुरामाजी तिच्या पाण्यावरी वाढतात शेते शुष्क जग होते तिच्या विना सांगा मज आता नदीचे वागणे आमुच्या कारणे असते का? तिचा हा प्रवाह निसर्गे बांधला तसाच चालला युगे युगे आपुल्याच हाती नदीचा वापर शाप किंवा वर ठरतसे तैसे ची हे विश्व देवाने निर्मिले ज्याने वापरले त्याच्या साठी देव माझ्या साठी काही न करतो अलिप्त राहतो