साहित्य : १ बिट्टे करण्यासाठी : १ वाटी कणीक , पाणी , तेल किंवा तूप २ बाजारात मिळणारी शेजवान चटणी ३ दही : अर्धी वाटी. चपातीसाठी मळतो तशी कणीक मळुन घ्यावी. त्याचा गोळा करुन पोळपाटावर एक चपाती लाटावी. त्याला तेल किंवा तुप लावावे आणि बाकरवडीला करतात तसा रोल करावा. रॉल थोडा दाबुन करावा म्हणजे त्याचे थर सुटणार नाहीत. अशा प्रकारे रोल करावेत. माणशी दोन रोल पुरतात. चाकूने त्याच्या बाकरवड्या कापाव्यात. मग प्यानमध्ये दोन चमचे तुप गरम करावे आणि हे बिट्टे शॅलो फ्राय करावेत. थोडा रंग बदलला की झाकण लावुन ठेवावे. गरम करावे. मध्येच उघडुन हलवुन पुन्हा गरम करावे. व्यवस्थीत शिजले की ताटात घ्यावेत.