हे भारतीयांनो, मुंबईच्या दहशतवादी हल्यानंतर तुम्ही जो आक्रोश, आदळआपट आणि तमाशा चालवला आहे तो बघून तुम्हाला जग हसत आहे. मेणबत्त्या लावणे, मानवी साखळी तयार करणे, नेत्यांवर आगपाखड करणे, रोज पाकिस्तान सरकार तुमच्यासाठी काय करते यावर डोळे लावून बसणे, रोज त्या 'कसाब' बाळाचा फोटो पेपरांत जागोजागी छापणे असे करुन काहीच साध्य होणार नाहीये. तुम्ही रोज किती जबाबदारीने वागता त्याचा प्रामाणिक आढावा घ्या. एवढे सगळे झाले तरी, रहदारीचे नियम तोडणे, कायदा फक्त इतरांसाठी आहे असे समजणे, लांच देणे व घेणे, चकाट्या पिटणे हे सर्व आहे तसेच चालू आहे.

ज्या काळात महाजालाचा उदय आणि विकास झाला तेंव्हा मराठी अथवा एत्तदेशीय भाषेला इंग्रजीचे ग्रहण लागणार असे सर्वसाधारण लोक आपपासात बोलत असत. हे तंत्रज्ज्ञान इंग्रजीतून आलेले असल्याकारणे तत्कालिन संकेतस्थळावर इंग्रजीचा प्रभाव असणे आणि त्या त्या संकेतस्थळाची भरभराट होणेही स्वाभाविकच होते. मराठी भाषकात एका प्रकारच्या निराशेचा सूर असतांना मात्र काही मराठीप्रेमी आपापल्या परीने मराठीत संकेतस्थळे बनवित होतेच. त्यात मराठीवर्ल्ड.कॉम, मनोगत, उपक्रम आणि मिसळपाव या संकेतस्थळाचा प्रामुख्याने विचार करावा लागेल. ही सर्व संकेतस्थळे बर्‍यापैकी प्रगत असतांनाही यावर मराठीभाषकांचा वावर मात्र तसा कमीच आहे.