Skip to main content

उपवासाचे बटाटे वडे --

लेखक निवेदिता-ताई यांनी शनिवार, 30/06/2012 09:05 या दिवशी प्रकाशित केले.
एकादशी दुप्पट खाशी --- साहित्य :- उकडलेले बटाटे ३ ते ४, चार - पाच हिरव्या मिरच्या , थोडे लाल तिखट, एक छोटा आल्याचा तुकडा, वरई पिठ एक वाटी, शाबूदाणा पिठ पाव वाटी, बेकिंग सोडा, चवीनुसार मीठ, तळणीसाठी रीफ़ाईंड तेल किंवा तूप. कृती:- प्रथम उकडलेले बटाटे हाताने मॅश करून घ्यावेत. हिरवी मिरची, आलं मिक्सरमध्ये वाटून घ्यावं. तेलावर हे वाटलेलं आलं, मिरची थोडसं परतून घ्यावं. मॅश केलेला बटाटा घालावा व लगेचच आच बंद करावी. नंतर हे सर्व एकत्र करुन या मिश्रणाचा छान गोळा करून घ्यावा मग वरई पिठ व शाबूदाणा पिठ व लाल तिखट, सोडा,व मीठ हे सर्व एकत्र करावं.

गेले करायचे राहूनी...

लेखक श्रीरंग_जोशी यांनी शनिवार, 30/06/2012 09:00 या दिवशी प्रकाशित केले.
मित्रांनो आपल्याला आयुष्यात अनेक बरे वाईट अनुभव येतात, अनेक आव्हाने येतात. आपल्याला जमेल तसा त्यांचा सामना आपण करतो. कधी यश येते तर कधी अपयश. कधी नशीब साथ देते तर कधी दुर्दैव आड येते. कधी आपण आव्हानाचा धीरोदात्तपणे सामना करतो तर कधी माघारही घेतो. पण एक मात्र नक्कीच आपण नेहमी पुढे चालत असतो. अन बऱ्याच यशस्वी माणसांबद्दल बोलले जाते की त्यानंतर त्याने कधीच मागे वळून पाहिले नाही. खरंच असे काही शक्य आहे? भरपूर यश मिळालं म्हणून कुणी मागे वळून पाहतच नाही. जे आपले स्वतःचे गत आयुष्य असते त्याकडे खरंच कुणी दुर्लक्ष करू शकते?

" हे माझे पंढरपूर ! "

लेखक विदेश यांनी शनिवार, 30/06/2012 07:19 या दिवशी प्रकाशित केले.
हात जोडतो देवापुढती, कधी न जातो दूर, घरातली माणसे देव, हे माझे पंढरपूर | वारकरी ना दिंडीमधला, मनास ना हुरहूर नातीगोती वारकरी, हे माझे पंढरपूर | सुखात सोबत विठ्ठल माझा, दु:ख बने कापूर सुविचारांचा टाळगजर, हे माझे पंढरपूर | कर्तव्याचे रिंगण माझे, त्यात कधी न कसूर सेवापूर्ती पालखीत, हे माझे पंढरपूर | घेता नामस्मरणी विठ्ठल, चंद्रभागेला पूर नयनामधुनी भिजे मूर्ति, हे माझे पंढरपूर ||
काव्यरस
शांतरस

वरदान (कथा)

लेखक जयनीत यांनी शुक्रवार, 29/06/2012 20:17 या दिवशी प्रकाशित केले.
ब्रम्हदेव अतिशय प्रसन्न होते , कुणाला तरी वर दिल्या शिवाय त्यांना चैन पडेनासे झाले. पण गेल्या कित्येक शतकात हिमालयावर तपश्चर्या करण्याची फॅशन लयाला गेली होती. जेव्हा प्रसन्नता अगदीच अनावर झाली तेव्हा ब्रम्हदेव अप्सरे कडे निरोप ठेऊन त्वरीत पृथ्वीतलावर अवतरले . तिथे सतराशे साठ विघ्ने पार पाडून राम गणेश गडक-यांच्या ठकीचे लग्न अखेरीस जुळले होते. वरातीतील बॅन्ड बाजाचे सूर ऐकून ब्रम्हदेव अजूनच प्रसन्न झाले.

नाचण

लेखक अमोघ शिंगोर्णीकर यांनी शुक्रवार, 29/06/2012 17:33 या दिवशी प्रकाशित केले.
या पक्षाला बर्‍याच दिवसांपासून कॅमेर्‍यात पकडायचा होता. पण हा होता इतका चपळ की सहजासहजी ते शक्य होईल असं वाटत नव्हतं. काल काही कामानिमित्त घरीच होतो. तेव्हा संध्याकाळच्या सुमारास हा समोरच्या तारेच्या रेलिंगवर दिसू लागला. आधी घरातूनच त्याचं निरीक्षण केलं, की हा कुठे जातो, परत कधी येतो इ. आणि मग सर्व तयारीनिशी खाली जाऊन बैठक मांडली. बराचवेळ साहेबांनी दर्शन दिलं नाही. पण आलेच थोड्यावेळाने आणि त्यातून हे फोटो मिळाले. नावः नाचण. स्थळः वसंत विहार.

अंडा कबाब / टिक्की (एक झँटामेटीक अन क्विक रेसेपी )

लेखक पियुशा यांनी शुक्रवार, 29/06/2012 13:41 या दिवशी प्रकाशित केले.
अंडा कबाब / टिक्की (एक झँटामेटीक अन क्विक रेसेपी ) साहित्य : - १. उकडलेले अंडे ४ , २. उकडलेले बटाटे मध्यम ३ , ३. लाल तिखट १ चमचा. ४. गरम मसाला १ चमचा ५. धने पावडर १/२ चमचा. ६ . चिकन मसाला १ चमचा. ७. मटण मसाला १ चमचा. ८. मॅगी सब्जी मसाला १ चमचा. ९ . मीठ चवीनुसार. १०. कोथिंबीर बारीक चिरून. ११.
Subscribe to