मिसळपाव
|| शिवराज्याभिषेक ||
काजळल्या रात्री - आशंकित गात्री
उसासे ही धात्री - भयभीत ।
गोठलेले जिणे - बंध हे पडले
कोडे हे कसले - ईश्वरास ।
दुर्दैवी पखाली - दैन्यही सामोरी
कावड अंधारी - काळ वाही ।
अस्मानी, सुल्तानी - घोर हा जीवासी
नसे आसराही - कोणा येथे ।
करपली भूमी - उजाड ही सृष्टी
ओसाड ही वस्ती -खिन्न शांत ।
तेज ते उजळे - काळोख्या गर्भात
आस ही नेत्रात - वसुधेच्या ।
स्वये भाग्य लक्ष्मी - बळ ते सावरी
माळराना वरी - अवतरी ।
शपथ ग्रहण - करिती प्रमाण
राष्ट्रास्तव प्राण - देऊ आम्ही ।
शृंखला दास्याच्या - गळोनी पडती
बंध हे तुटती - अमानुष ।
निजाम, आदिल - ही कुतुबशाही
मात अ