नुकतेच एका जागतिक सर्वेक्षणात मुंबई हे सगळ्यात गलिच्छ शहर असल्याचा निष्कर्ष काढला गेला आहे. तसेच सौजन्याने वागण्यातही मुंबई पिछाडीवर आहे. अगदी सगळ्यात शेवटी नाही एवढेच. गेल्या काही वर्षात जेव्हा जेव्हा मुंबईला जायचा प्रसंग आला तेव्हा ते शहर अधिकाधिक घाणेरडे वाटत होते. लोकल जायचा मार्ग हा एक लांबच्या लांब कचराकुंडी आहे असे वाटले. समुद्राचा रंग गटारासारखा किळसवाणा होता. बाकी भिकारी, वाटेल तिथे मलमूत्रविसर्जन वगैरे होतेच. ह्या सर्वेक्षणाच्या निकालावरून ह्यावर शिक्कामोर्तब झाले आहे. जुन्या सिनेमात मुंबईचे दर्शन होते तेव्हा एक छानसे शहर दिसते.

सरकारी नोकऱ्यांमधील बढतीमधे आरक्षण लागू व्हावे ह्यासाठी घटनादुरुस्तीचा प्रस्ताव संसदेत येणार आहे. शिवसेना आणि समाजवादी पक्ष ह्यांचा अपवाद वगळता प्रत्येक पक्षाने ह्याला पाठींबा जाहीर केलाय. शिवसेनेचा जातीय आरक्षणालाच विरोध असल्याने त्यांचा विरोध समजण्यासारखा आहे, पण सपाचा विरोध ह्याकरता असावा की ओबीसीं आरक्षणाचा त्यात समावेश नाही. हे आरक्षण फ़क्त SC/ST गटालाच आहे. ह्या विधेयकाने मायावतींचा सपोर्ट युपीएला पुढील दिड वर्ष मिळत राहिल आणि सरकार तरेल असं एक राजकारण त्यामागे असावं कारण मायावतीं ह्याचा प्रचार आधीपासुन करत आहेत. मायावतींचा राजकिय बेसही ह्यामुळे अधिक मजबुत होईल.

प्रकाश आंबेडकरांनी आज अफजल गुरुला फाशी दिल्यास काश्मीर वेगळा होईल अशी फुटीरतावादी,देशद्रोही भुमिका मांडली आहे (म.टा.च्या सौज्यन्याने-http://maharashtratimes.indiatimes.com/articleshow/17630720.cms)हे असे करुन अश्या माणसांना नक्की काय साध्य करावयाचे आहे,अशी अतिरेक्यांना साजेशी भुमिका स्विकारुन आणी ती मिडीयापुढे बोलुन हा प्राणी खरच निवडुन येणार आहे का ?अश्या टिप्पणी बद्दल खटला भरता येईल का ?