आज अचानक तुला भेटता जुने दिवस ते आठवले दशकापासून या हृदयाच्या तळभागी जे साठवले तशीच दिसशी सुंदर अजुनी बटा जाहल्या रजत जरी चाल आजही डौलदार ती स्थूल वाटशी जरा तरी आठवते मज तुझे अजुनी मुग्ध बोलणे भर भरुनी क्षणाक्षणाला मोहविणारे गोड हासणे खळखळूनी तेव्हा गेलीस हात सोडूनी डाव प्रितीचा असा मोडूनी मिही रमलो मग संसारी प्रपंच पाठीवर घेऊनी विरहा नंतर तुझ्या सखी गे मन हे नाही पुन्हा भटकले संसाराच्या वेलीवरती आजवरी ते फक्त लटकले काल अचानक समोर दिसलीस सोबत तुझीया कन्या होती प्रतिरूप ती तुझी वाटली तुझ्यासारखी हासत होती विचारता तव कन्येने मग परिचय माझा काका म्हणूनी काका नाही हे तर मामा तुझे बोलणे फार