'पर्यावरण साक्षरता व उपभोक्त्यांचे वर्तन' या विषयावरील संशोधनात सहभागी होण्यासाठी काही स्वयंसेवकांची गरज आहे. स्वयंसेवक हे अठरा वर्षांपेक्षा अधिक वयाचे व संगणक साक्षर असावेत. सदर स्वयंसेवकांना एक प्रश्नावलीचा दुवा पाठवण्यात येईल. त्या दुव्यावर दिलेल्या प्रश्नांची उत्तरे त्यांनी भरायची आहेत. सर्व प्रश्न हे बहुपर्यायी स्वरुपाचे आहेत. कोणतीही खाजगी माहिती, अगदी स्वयंसेवकाचे नावही, देणे बंधनकारक नाही. सदर माहिती गोपनीय ठेवली जाईल व तिचा फक्त संशोधनासाठीच वापर करण्यात येईल. ही प्रश्नावली थोडी मोठी (व मोठ्या कष्टाने तयार केलेली ) आहे.

अन्या दातार यांनी एका धाग्यावर (http://www.misalpav.com/comment/reply/24386/475028) "भाजप विचारसरणी व काँग्रेस विचारधारा यात नेमका काय फरक आहे?" हा प्रश्न विचारला होता. त्या प्रश्नाला प्रतिसाद म्हणून हा धागा केला आहे. प्रतिसाद खूप मोठा असल्याने धागा करणे योग्य वाटले. हा धागा किंवा हा विषय योग्य न वाटल्यास प्रशासकांनी धागा नष्ट करावा. _______________________________________________________________________________ हा प्रश्न वाटतो तितका सोपा नाही. याचे उत्तर खूपच अवघड आहे.

राम राम मंडळी आपल्या सर्वांसमोर एक मोठे संकट येत आहे. या संकटाचा आपल्याला सर्वांना मिळून मुकाबला करायचा आहे. आपले माननीय सूचना-प्रसारणमंत्री मनीष तिवारी यांनी आपल्यासाठी एक अतिशय महत्वाची माहिती दिली आहे. त्यांच्या तीव्र आकलन शक्ती सामर्थ्यांने त्यांना जे जाणवले ते त्यांनी सर्वसामान्यांच्या हितासाठी अतिशय कनवाळू होऊन सांगितले आहे. आता त्यांनी जे सांगितले आहे त्यामधे कोणतीही खोट न काढता आपण आपले संरक्षण केले पाहिजे. आजपासून तयारीला लागा. स्वतःची काळजी घ्या ! आपल्या कुटुंबाची काळजी घ्या ! परिसरातील नागरीकांना सावध करा. कुठेही काही संशयास्पद हालचाल दिसली तर तत्काळ योग्य त्या ठिकाणी कळवा.

काल राहुल गांधी यांनी सी.आय आय च्या सभेमध्ये भाषण केले. केवळ भाषण म्हणून मूल्यमापन करायचे तर ते एक प्रांजळ प्रकटन होते. त्यामध्ये नव्या कल्पना , नवी प्रतिभा यांचा सुरेख संगम होता. चप्पल नेमकी कुठे लागते आहे ? हे त्यांना आता समजते आहे. समस्या समाधानाची पहिली पायरी म्हणजे समस्या नेमकी समजणे , आणि ते त्यांना जमले आहे असे वाटते. समस्या समाधानाची दुसरी पायरी म्हणजे उपाय योजना करणे. येथे मात्र राहुल गांधीचा अननुभव स्पष्ट दिसून येतो आहे. राहुल गांधींचा एकूण सूर हा "खूप झाले राजकारण - आता कामाला लागा " असा होता.