पावसाकडे बघतांना मनांत आलेले विचार मांडण्याचा हा प्रयत्न. :)
आषाढ-श्रावणाची ती गाज सांगते मज,
भूमीत वेदनेच्या पेरीत सुख निघावे!
अस्तित्व आज माझे उरले कुठे जराही..
मृद्गंध होऊनी मी सर्वां-उरी भिनावे!
कोमेजण्यात मजला कसलेच दु:ख नाही..(पण)
कुंजातल्या फुलासम बहरून नित्य यावे!
प्रत्येक दिस नसावा मृत्यूस याचणारा..
क्षणैक मेघनेसम दिपवून सर्व जावे!
कित्येक जन्म सरले काट्यांत रोधलेले..(पण आता)
आभाळ न्हायलेली धरती मला खुणावे!!
राघव
प्रतिक्रिया
1 Aug 2009 - 12:29 pm | मनीषा
प्रत्येक दिस नसावा मृत्यूस याचणारा..
क्षणैक मेघनेसम दिपवून सर्व जावे! ... सुंदर !
1 Aug 2009 - 3:35 pm | क्रान्ति
अस्तित्व आज माझे उरले कुठे जराही..
मृद्गंध होऊनी मी सर्वां-उरी भिनावे!
कोमेजण्यात मजला कसलेच दु:ख नाही..(पण)
कुंजातल्या फुलासम बहरून नित्य यावे!
अप्रतिम!
क्रान्ति
सजदे में सर झुकाया तो मैंने सुनी सदा | कांटों में भी फूलो़ को खिलाता ही चला जा
अग्निसखा
रूह की शायरी
4 Aug 2009 - 12:58 am | प्राजु
कित्येक जन्म सरले काट्यांत रोधलेले..(पण आता)
आभाळ न्हायलेली धरती मला खुणावे!!
खास! अप्रतिम शब्द आणि अप्रतिम कविता.
- (सर्वव्यापी)प्राजु
http://praaju.blogspot.com/
4 Aug 2009 - 1:26 am | बेसनलाडू
कविता आवडली.
(वाचक)बेसनलाडू
4 Aug 2009 - 4:59 am | घाटावरचे भट
असेच म्हणतो.
4 Aug 2009 - 12:46 pm | अनिल हटेला
सहमत......
:-)
बैलोबा चायनीजकर !!!
I drink only days ,which starts from 'T'...
Tuesday
Thursday
Today ;-)
4 Aug 2009 - 12:38 pm | श्रावण मोडक
बऱ्याच दिवसांनी?
4 Aug 2009 - 12:49 pm | नंदन
कविता, अतिशय आवडली. 'मनातले सल रुजून आता, त्यांचा झाला मरवा रे' ही बोरकरांची अप्रतिम ओळ आठवली तिसरं कडवं वाचून.
नंदनमराठी साहित्यविषयक अनुदिनी
4 Aug 2009 - 6:11 pm | राघव
सर्वांचे मनापासून आभार.
राघव
( आधीचे नाव - मुमुक्षु )