✍ मराठी साहित्य, संस्कृती आणि लेखनाचे व्यासपीठ

तुम्ही कोणती औषधे रोज खाताय ?

सतिश पाटील यांनी
 ·  लेख
लेख
सध्याच्या धकाधकीच्या काळात औषधाशिवाय जगणारा माणूस सापडणे फार कठीण आहे. वेळप्रसंगी ते अगदी रोज न चुकता नित्यनियमित औषधे खाणारी माणसे सुद्धा आहेत. कारण दुसरा पर्यायच उरला नाही. नियमित औषधे न खाणाऱ्या माणसाबद्दल मला खूप अप्रूप वाटते. काही औषधे रोज खाणे गरजेचे असते, काही औषधे मात्र आपण उगाच रोज खातोय असे वाटायला लागते. ४-५ वर्ष ऍक्रोफोबिया मुळे सायकॅट्रीस्टची औषधे मला रोज खायला लागायची. काही अंशी नशाच यायची त्याने. पण नंतर एके दिवशी सगळी फेकून दिली, ती औषधे न खाल्ल्याने काही विशेष फरक पडला नाही, पण भीती मात्र आपोआप हळूहळू कमी झाली. नियमित धूम्रपान करीत असल्याने ऍसिडिटीचा त्रास होतो, त्यामुळे 40MG प्रमाण असलेले औषध रोज सकाळी खावे लागते. बाकी तुम्ही रोज कोणती औषधे खाताय ?
💬 प्रतिसाद (71)

प्रतिक्रिया

भागो
Sat, 05/25/2024 - 20:00 नवीन
गवि सर रत्नाकर मतकरींच्या निळ्या डोळ्यांच्या मुलासारखं नाही ना काही>> हा काय प्रकार आहे? जालावर कुठे उपलब्ध आहे का?
↩ प्रतिसाद: गवि

गवि
Sat, 05/25/2024 - 21:01 नवीन
जुन्या कथासंग्रह आहे. नाव नेमके आठवत नाही. त्यात कथा आहे. गूढ भयकथेने लहानपणी एकट्यानेच बसून वाचताना "क्येसं हुबी र्हात्यात" चा पहिला अनुभव होता. शोधून वाचा.
↩ प्रतिसाद: भागो

कर्नलतपस्वी
Sat, 05/25/2024 - 16:08 नवीन
अण्णा कॅल्क्युलेटर लईच भारी आहे. जास्तीत जास्त १६०वर्ष आणी कमीत कमी कधीही मरू शकतो.
↩ प्रतिसाद: हणमंतअण्णा शंकराप्पा रावळगुंडवाडीकर

चौथा कोनाडा
Tue, 05/28/2024 - 17:55 नवीन
कमीत कमी कधीही मरू शकतो.
होय ... खरंय ... एखादा पोर्शे वाला आला अन आपल्या यमसद्नी घेऊन गेला हे ही होऊ शकते. ... .... आ ता जगणार किती ? हा विषय आहेच तर चर्चेत पोर्शे आणायला काय हरकत आहे ?
↩ प्रतिसाद: कर्नलतपस्वी

प्रा.डॉ.दिलीप बिरुटे
गुरुवार, 05/30/2024 - 09:54 नवीन
पोर्शेगाडीच्या अपघाताचे समाजमाध्यमांवर व्हायरल असलेले फ़ुटेज पाहिले, गाडीचा तुफ़ानी वेग पाहता पाच पन्नास जणांना फ़टका बसला असता. -दिलीप बिरुटे
↩ प्रतिसाद: चौथा कोनाडा

चौथा कोनाडा
Sat, 05/25/2024 - 17:16 नवीन
म्या नव्वद वर्षं जगणार असं ही साईट म्हणते ! लैच आयुष्य झालं राव !
↩ प्रतिसाद: हणमंतअण्णा शंकराप्पा रावळगुंडवाडीकर

प्रा.डॉ.दिलीप बिरुटे
Sun, 05/26/2024 - 09:56 नवीन
माहितीबद्दल आभारी आहे. -दिलीप बिरुटे
↩ प्रतिसाद: हणमंतअण्णा शंकराप्पा रावळगुंडवाडीकर

कंजूस
Sun, 05/26/2024 - 10:19 नवीन
त्रिफळा( हिरडा, बेहडा, आवळा) वेगळे तीन आणून घेतो कधीमधी. त्रिकटू चूर्ण खूप खाणं झालं तर घेतो. हल्ली जेवणानंतर भूक लागत नाही. कधीकधी खा खा सुटते. तेव्हा दणकून खातो. हेच औषध.

धर्मराजमुटके
Sun, 05/26/2024 - 12:03 नवीन
हल्ली जेवणानंतर भूक लागत नाही आणि सकाळी उठल्यानंतर झोप येत नाही.
↩ प्रतिसाद: कंजूस

भागो
Sun, 05/26/2024 - 13:52 नवीन
कंजूस सर नि धर्मराज मुटके. हल्ली जेवणानंतर भूक लागत नाही सकाळी उठल्यानंतर झोप येत नाही.>>> ह्या वाक्यावर पुलनी पण दंडवत घातले असते. जीभ घशाच्या आत गेली.
↩ प्रतिसाद: धर्मराजमुटके

कंजूस
Sun, 05/26/2024 - 18:03 नवीन
हे विनोद किंवा विडंबन नसून सत्य आहे. तरुणपणी ऑफिसच्या कँटिनचे खूप चांगले पदार्थ मिळत. साडेपाचला पाच सात प्लेट्स वडे, सँडविचेस, समोसे ,इडल्या,कचोऱ्या खाल्ल्या , पाच सहा कप चहा ढोसला तरी सात वाजता पूर्ण जेवण हादडत असे. परंतू पोट हलकेच राही. मला आणि सहकाऱ्यांनाही आश्चर्य वाटे. आता मात्र तेवढी भूक लागत नाही. असो. आलिया भोगासी.
↩ प्रतिसाद: भागो

कंजूस
Sun, 05/26/2024 - 18:06 नवीन
एक राहिलं यूट्यूबवर फूड ब्लॉग असतात त्यात काही नामांकित खादाड लोक आहेत. उदाहरणार्थ "खाने में क्या है" चानेल. आणखीही दोन चार आहेत.
↩ प्रतिसाद: कंजूस

भागो
Sun, 05/26/2024 - 20:01 नवीन
सॉरी सर.
↩ प्रतिसाद: कंजूस

कंजूस
Mon, 05/27/2024 - 05:30 नवीन
माफ करा धागा लेखक, थोडं अवांतर वाटलं असेल. मी कधीकधी सत्य सांगायला जातो आणि तो विनोद वाटतो. खा खा सुटते यासाठी भरपूर खाणे हेच औषध आहे. ते घेतो. बरं एवढं खाऊन देखील अंगावर काहीच दिसत नाही.
↩ प्रतिसाद: गवि

सुबोध खरे
Mon, 05/27/2024 - 12:05 नवीन
माझ्या मित्राचे वडील वय वर्षे ८५ माझ्याकडे आले होते, सांगत होते अरे लोक सांगतायत "काका तुमचं वजन कमी झालंय". मी विचारलं तुम्हाला त्रास काय होतो? ते म्हणाले, त्रास काहीच नाही. मी -भूक लागते का ? काका- हो व्यवस्थित मी- झोप लागते का? काका-हो सात तास झोपतो. रात्री दहाला झोपतो आणि पहाटे पाच ला जाग येते. मी -मग तुमची तक्रार काय आहे? काका- माझी काहीच तक्रार नाही पण सगळे म्हणतात वजन कमी झालय ते वाढवायला काय करायला पाहिजे मी - काका तुम्ही तळवलकर जिमच्या बाहेर उभे राहा. सकाळी सकाळी अतिविशाल महिला व्यायाम करून बाहेर येतात त्यांना विचारा तुम्हाला काय काय खाऊ नका ते सांगितलंय. ते सर्व तुम्ही खा. उदा मिठाई भजी समोसे पनीर चिज. जेजे पचेल ते सर्व. काकानी हसत हसत मला टाळी दिली आणि गेले.
↩ प्रतिसाद: कंजूस

Bhakti
Mon, 05/27/2024 - 18:22 नवीन
सकाळी सकाळी अतिविशाल महिला व्यायाम करून बाहेर येतात त्यांना विचारा तुम्हाला काय काय खाऊ नका ते सांगितलंय. ते सर्व तुम्ही खा. उदा मिठाई भजी समोसे पनीर चिज. जेजे पचेल ते सर्व. काकानी हसत हसत मला टाळी दिली आणि गेले.
फुकटातच काम होईल की काकांचं,असे परोपकार पाहिजेत.
↩ प्रतिसाद: सुबोध खरे

कंजूस
गुरुवार, 05/30/2024 - 12:10 नवीन
वात प्रकृती काही जण यास भस्म्या रोग म्हणतात.
↩ प्रतिसाद: चित्रगुप्त

सुबोध खरे
Mon, 05/27/2024 - 11:57 नवीन
हल्ली जेवणानंतर भूक लागत नाही आणि सकाळी उठल्यानंतर झोप येत नाही. यावर रामबाण उपाय आहे. कुंभकर्ण निद्रावर्धक वटी रात्री झोप लागल्यानंतर घ्या, रात्रभर उन्हात बसा आणि जठराग्नीप्रदोष नाशक वटी पहाटे झोपेतून उठण्याच्या अगोदर घ्या. शेकडा दोनशे टक्के गुण येईल
↩ प्रतिसाद: धर्मराजमुटके