सूचना

वारंवार सूचना देऊनही काही सदस्य वैयक्तिक आणि खालच्या पातळीवरील प्रतिसाद देत आहेत. असे आढळल्यास विना सूचना कडक कारवाई करण्यात येईल.

वासंतिक

Primary tabs

मी-दिपाली's picture
मी-दिपाली in जे न देखे रवी...
2 Apr 2022 - 4:13 pm

सुरांबरोबरच कुंचल्यातून उतरलेली माझी कविता...
व्हिडिओ पण नक्की पाहा आणि अभिप्राय जरूर कळवा.

हिंडोल छेड भ्रमरा, सुमनांत आज,
स्वर्गातुनी उतरला ऋतुराज आज ॥धृ॥

ती शाल्मली बहरली, फुलला पलाश,
आरक्त कुंकुम गमे, तबकात खास।
ये औक्षणास अवनी, चढवून साज
स्वर्गातुनी उतरला ऋतुराज आज ॥१॥

मोहोर सोनपिवळा, परसात जाई,
शिंपीत केशर सडा, मधुमास येई।
पानांफुलांत भरला, नखरेल बाज,
स्वर्गातुनी उतरला ऋतुराज आज ॥२॥

तांबूस लाघव नवे, प्रसवेल कुक्षी,
मंजूळ शीळ घुमवी, कुहु आम्रवृक्षी
बेभान जीव प्रणयी, विसरून लाज,
स्वर्गातुनी उतरला ऋतुराज आज ॥३॥

या स्वागतास अवघे जग सिद्ध झाले,
रस, रंग, गंध, रवही दिमतीस आले।
सृष्टी अजून जपते नृपती रिवाज,
स्वर्गातुनी उतरला ऋतुराज आज ॥४॥

वृत्त - वसंततिलका
(गागाल गाल ललगा ललगा लगागा)

कवितावृत्तबद्ध कविता

प्रतिक्रिया

कर्नलतपस्वी's picture

3 Apr 2022 - 6:06 am | कर्नलतपस्वी

आवडली

प्रा.डॉ.दिलीप बिरुटे's picture

3 Apr 2022 - 12:14 pm | प्रा.डॉ.दिलीप बिरुटे

सुंदर. निसर्ग कविता आवडली. व्हिडियो ही छान झालाय.
लिहिते राहावे.

-दिलीप बिरुटे