सारे प्रवासी घडीचे

कर्नलतपस्वी's picture
कर्नलतपस्वी in जे न देखे रवी...
16 Jan 2022 - 2:29 pm

या चंद्रमौळीत माझ्या
लक्ष सुखे ऱममाण
असते कधी सुखाला
सांगा कुठे परिमाण

जिर्ण शीर्ण झोपडीत माझ्या
तिरीप कोवळ्या उन्हाची
भासे जणू ही रेघ
सोनसाखळी गळ्याची

वाकून पाहतो हा चंद्र पौर्णिमेचा
ठेवतो नजर हा थवा चांदण्याचा
क्षण माझीया सुखाचे चोरावया पहातो
उन्मुक्त होऊनी मी चादंण्यात नहातो

घुसतो धटिंगण वारा
सवे आणतो थेंब पावसाचे
उध्वस्त करू पहातो
साम्राज्य माझिया सुखाचे

कोणी गरीब म्हणूनी
हसती मजवर सारे
इथे काय आहे म्हणूनी
आकलेचे तोडती तारे

सारे प्रवासी घडीचे
सांगा कोण कुठे काय नेते
समाधान हेच असते
परिमाण ते सुखाचे

या चंद्रमौळीत माझ्या ......
१६-१-२०२२

दृष्टीकोनकविता

प्रतिक्रिया

या चंद्रमौळीत माझ्या
खुप छान!

श्रीगणेशा's picture

16 Jan 2022 - 5:52 pm | श्रीगणेशा

खूप छान.

समाधान हेच असते
परिमाण ते सुखाचे

खरं आहे!

सारे प्रवासी घडीचे

_/\_

कर्नलतपस्वी's picture

16 Jan 2022 - 10:36 pm | कर्नलतपस्वी

प्रतीसादा बद्दल धन्यवाद भक्ती, श्रीगणेशा

ज्ञानोबाचे पैजार's picture

17 Jan 2022 - 10:09 am | ज्ञानोबाचे पैजार

मस्त...

फारच आवडली

पैजारबुवा,

कर्नलतपस्वी's picture

17 Jan 2022 - 11:27 am | कर्नलतपस्वी

धन्यवाद

मुक्त विहारि's picture

17 Jan 2022 - 11:21 am | मुक्त विहारि

छान लिहिले आहे

नीड़ न दो, चाहे टहनी का
आश्रय छिन्‍न-भिन्‍न कर डालो,
लेकिन पंख दिए हैं, तो
आकुल उड़ान में विघ्‍न न डालो।

नुकताच हँप्पी बड्डे झाला, मुलीने सटर फटर गोष्टिंबरोबर दोन कवीता संग्रह पण दिले. पैकी एक वरील कवीता वाचताना सहज वाटले की वरिष्ठ नागरीकांची सुद्धा कदाचित हिच आपेक्षा की आम्हाला आमचं जगू द्या. विचार करत असताना वरील ओळी सुचल्या. प्रतिसादा करता धन्यवाद. तुम्ही तर मुक्त विहारी .....

अनन्त्_यात्री's picture

17 Jan 2022 - 4:40 pm | अनन्त्_यात्री

डेबूजी झिंगराजी जानोरकरांचे सहधर्मी निघालात!

दृष्टिकोन आवडला!

ज्ञानोबाचे पैजार's picture

17 Jan 2022 - 5:03 pm | ज्ञानोबाचे पैजार

कविता वाचताना मला तर माणिकदेव बंडुजी इंगळे यांची आठवण आली

पैजारबुवा,

कर्नलतपस्वी's picture

17 Jan 2022 - 5:50 pm | कर्नलतपस्वी

कहा राजा भोज कहा गंगू तेली, थोडा वेळ तर्रर्र च्या झाडावर चढवल्या बद्द्ल धन्यवाद

कर्नलतपस्वी's picture

17 Jan 2022 - 5:44 pm | कर्नलतपस्वी

धन्यवाद अनंत यात्री.
धाग्यावर मग तो कुणीही लिहीलेला असू द्या तो वाचताना कधी कधी। semaphore flag code आणि International Morse Code सारखा वाटतो. डिसायफर करता येत नाही.
धन्यवाद माऊली.

ठेवतो नजर हा थवा चांदण्याचा
वा छान कल्पना

कर्नलतपस्वी's picture

18 Jan 2022 - 12:11 pm | कर्नलतपस्वी

वाचकांचा प्रतिसाद लेखकास हुरूप देतो, like Boost or Bournvita. धन्यवाद.

भीमराव's picture

18 Jan 2022 - 1:37 pm | भीमराव

या झोपडीत माझ्या, आमच्या पिताश्रींना अभ्यासक्रमात असलेली कविता, आजही तोंडपाठ आहे त्यांना. तीच आठवली