असा भास होतो

मनोज's picture
मनोज in जे न देखे रवी...
20 Jun 2020 - 2:26 pm

आभास होतो कसा त्रास होतो
तू येत आहे असा भास होतो

स्मरतो गजरा केसात माळलेला
माझा कसा मोगरा श्वास होतो

डोळ्यात जादू तिच्या पेरलेली
जो पाहतो तो तिचा दास होतो

कळायचे मला ती न बोलताही
साथी कधी तोच मी खास होतो

असे कुणी का इतके आवडावे
जो जीवनाचा खरा ध्यास होतो

कवितागझल

प्रतिक्रिया

आभास होतो कसा त्रास होतो
तू येत आहे असा भास होतो

मस्त

सनईचौघडा's picture

21 Jun 2020 - 7:30 pm | सनईचौघडा

स्मरतो गजरा केसात माळलेला
माझा कसा मोगरा श्वास होतो

इथे जरा बदल केला तर मीटर मध्ये फरक नाही पणा ऐकायला बरं वाटतं बघा

स्मरतो गजरा केसात माळलेला
मोगरा कसा माझा श्वास होतो

आणि ही ओळ मस्ता आहे.

कळायचे मला ती न बोलताही
साथी कधी तोच मी खास होतो

मनोज's picture

22 Jun 2020 - 12:15 pm | मनोज

धन्यवाद योग्य बदल सुचवला आहे !

रातराणी's picture

22 Jun 2020 - 11:56 pm | रातराणी

अप्रतिम!!

सत्यजित...'s picture

23 Jun 2020 - 12:29 am | सत्यजित...

उत्तम प्रयत्न!
लिहीत रहा,लेखनात सफाई येत राहील.

>>>डोळ्यात जादू तिच्या पेरलेली
जो पाहतो तो तिचा दास होतो>>>हा छान झाला आहे.