[कविता' २०२०] - शून्य मी.. अनंत मी

Primary tabs

साहित्य संपादक's picture
साहित्य संपादक in स्पर्धा
20 May 2020 - 12:03 pm

शून्य मी.. अनंत मी



पहाटवारा गाऊन जातो,
ऊन सोनसळी जरा विसावे,
मध्यान्हीची सरता काहिली,
कातरवेळी डोळा पाणी

अवचित वाटे हीच वेदना,
हीच कल्पना, हीच कविता,
विरून जाती शब्द परंतु,
गोडगुलाबी धुक्यापरी

मिटल्या डोळ्यातून आता,
कुणा दिसू दे चंद्र चांदवा,
मला न वाटे आस तयांची,
मीच सावळी रात्र काळी

माझे दुःख, माझे सुख,
माझे प्रश्न, माझे उत्तर,
माझी जीत,माझी हार,
माझे जीवन,माझे मरण

माझे माझे, माझे मीपण
सारेकाही असून माझे,
तरीही फक्त माझीच मी,
शून्यही मी अन् अनंतही मीच..


प्रतिक्रिया

कादंबरी...'s picture

21 May 2020 - 12:23 am | कादंबरी...

अर्थ समजला नाही. मिपाकर अवलोकन करतीलच..

गणेशा's picture

21 May 2020 - 6:53 am | गणेशा

वा सुंदर कविता..

मिटल्या डोळ्यातून आता,
कुणा दिसू दे चंद्र चांदवा,
मला न वाटे आस तयांची,
मीच सावळी रात्र काळी

हे तर अप्रतिम

सहज जुणे आठवले..

अजून मी माझ्यातच जगते
कुठे किनारा धरणी माते..
जाणीव नाही कुणास माझी
प्रवास मी एकटीच करते..

चांदणे संदीप's picture

21 May 2020 - 7:20 am | चांदणे संदीप

एकदम अनंतात! ___/\___

सं - दी - प

पाषाणभेद's picture

24 May 2020 - 9:13 am | पाषाणभेद

तेच वाटले.
भावूक कविता.

जव्हेरगंज's picture

21 May 2020 - 9:25 pm | जव्हेरगंज

सुंदर
+१



प्राची अश्विनी's picture

22 May 2020 - 11:34 am | प्राची अश्विनी

+1

मन्या ऽ's picture

23 May 2020 - 12:34 am | मन्या ऽ

नितांत सुंदर!

पैलवान's picture

23 May 2020 - 11:55 am | पैलवान

+१

g.priya's picture

23 May 2020 - 8:05 pm | g.priya

सुरेख

prajaktatoongar's picture

24 Jul 2020 - 11:04 am | prajaktatoongar

कवितेत भावनिकता आहे.