.

महापूर

Primary tabs

बी.डी.वायळ's picture
बी.डी.वायळ in जे न देखे रवी...
23 Aug 2019 - 4:02 pm

महापूर

वरुणराजाच्या अंतरी आले |
काळे मेघ जमा केले |
अचानक बरसु लागले |
भूमीवरी ||1||

पाऊस पडला मुसळधार |
तंव नद्यांना आला पूर |
बुडाली खेडी आणि शहरं |
तयांमध्ये ||2||

सांगली आणि कोल्हापूर |
तेथे आला महापूर |
कित्येकांचे घर संसार |
वाहून गेले ||3||

पाण्याची पातळी वाढता |
लोकांची वाढली चिंता |
पुढे काय होईल आता |
कळेना काही ||4||

पुराचे पाणीजेंव्हा वाढले |
लोकं घरात अडकुन पडले |
कोणी गच्चीवरती चढले |
भिती पोटी ||5||

मिडियांनी खबर घेतली |
बातमी लोकांसमोर आणली |
सरकारी यंत्रनाही धावली |
मदतीला ||6||

एनडीआरएफ़चे जवान आले|
बचाव कार्य सुरु झाले |
जीव धोक्यात घालून गेले|
पाण्यामध्ये ||7||

तेंव्हा नौसेनेचे ही जवान |
आले मदतीला धाऊन |
नौका दरोदरी नेऊन |
मदत केली ||8||

सृष्टीमधील एक भूत |
खवळले ते अकस्मात |
त्याने एवढी वाताहात |
होऊन गेली ||9||

आप तत्व खवळले |
त्याने खूप नुकसान केले|
संसार पुरात वाहून गेले |
कित्येकांचे ||10||

घरे गेली पाण्याखाली |
पिकांची नासाडी झाली |
जनावरे वाहुन गेली |
पुरासंगे ||11||

मदतीचे हात आले |
सर्वांनी सहकार्य केले |
जात पात विसरले |
आपत काळी ||12||

डॉक्टरांची टीम गेली |
निकःम सेवा केली |
गोळ्या औषधे दिली |
विनामूल्य ||13||

अहंकार ताठा गर्व |
विसरुन गेले सर्व |
तेथे माणुसकीचे पर्व |
दिसून आले ||14||

महासंकट समोर ठाले |
एकमेकां सहाय्य केले |
डोळ्यांमध्ये अश्रु आले |
तये वेळी ||15||

बी.डी.ळ 22/08/19

कविता

प्रतिक्रिया

प्रा.डॉ.दिलीप बिरुटे's picture

23 Aug 2019 - 9:53 pm | प्रा.डॉ.दिलीप बिरुटे

भावना पोहोचल्या. लिहिते राहा.

-दिलीप बिरुटे

प्रमोद देर्देकर's picture

25 Aug 2019 - 8:02 pm | प्रमोद देर्देकर

हेच म्हणतो लिहीत रहा. तुमची तळमळ पोहचली.

Namokar's picture

26 Aug 2019 - 12:18 pm | Namokar

छान लिहीले आहे

बी.डी.वायळ's picture

30 Aug 2019 - 5:17 pm | बी.डी.वायळ

वाचकांचे आभार व प्रतिसाद देणार्याना धन्यवाद|

स्नेहांकिता's picture

30 Aug 2019 - 8:43 pm | स्नेहांकिता

तळमळ पोचली.
पुलेशु